CAUNG: KHIN" 61
Gug: Gam Byid: Nae" Mho' Yao Thoe
(Davi peim: ru)
1 Mao"So we"- ngo mho' yao: rure gyo: byid: la,
Nga" akyu" mho' thoe re tae" gyo: wa,
2 nhag' lam: thao" mung: yham we' va: yang:- ngo nao re khai: ke' ra".
Ngo re gug' ra" khyo jhui" lo" la,.
3 Pe"mung:ga"re nao wa nga" gug: gam byid: yaug ngad mung:-
nga" gyevo qere khe' pye' nae" qhid' mae" gang" tang: ra" khug ngha jo, qo ngad: ra".
4 Ni" gyang" lho" ra" yham vang" khug mae- ngore dapyad: geim" na nhao la,.
Ni" daung khug mae gug: gam za: na nhao la,.
5 Mao"So we"- nga" dao:so: jham re nao the' gyo" ava".
Nao re phug' te' nga: yhe' na: ra" mo; jo,nho" jham nao ngore byid: ava".
6 Kho:kham re apyad myo: sho' zin laung: byid: wa,-
yao: wa kao qhang yang: daui: na vashao:.
7 Mao"So we"- ni" nho: qhid' kheim: mae yao: wa apyad ato eib: na vashao:-
ni" abang mabyid: ra" jhid'de; myid we' kyid: ra" myid: yang yao: re gug: gam byid: wa,.
8 Airumung: nao re ngo byid' to" ra" dao:so: ba khao: ngo" qhaug' byid' na: au: khonhae" re:
nao re Nghaui"caung" na nae".