CAUNG: KHIN" 29
Aug' La Mae" Asang: Thoe
(Davi peim: ra" Nghaui"caung:)
1 Mug:gaung mae" mo, we"- Asang re caung:khin" ge,-
Yao" phungbao we' qam: so' re caung:khin" ge,.
2 Asang: mang a re caung:khin" ge,-
Gyang" Lho" Yaug thug' li" ra" au:- yao" qhid' kheim: mae goe; pa" ge,.
3 Asang: thoe re panglai: jham mae the' gyo" ra"- phungbao bo: ra"-
Mao"So wa mug: gyug: khyo" jhau mung: yao" thoe wa
nammugdara dao mae lao thao tau" na: ra".
4 Asang: thoe re qam: so' phung dagu" byang" sho' we' the' gyo" ra".
5 Asang: thoe wa shaug' gae jham- Lebanon mae" shaug' gae jham re lhao" khyug' pye' ra".
6 Yao: wa Lebanon mae" bam jham re nung: nau" jham re"ru: thug' jhu: nhao mung:- Hermon Bam re nung: lo: nau" ru: thug' byae nhao: ra".
7 Asang: thoe wa lhe' cad' cad' nhao: ra".
8 Yao" thoe wa ma coe yo re lab nhao: ra"- yao: wa Kade ma coe yo re lao" lhab' ke' ra".
9 Asang: thoe wa sho:khai: gae re lab nhao mung: sag' gae jham mae" sag' vho' jham shu: gyo" au: re-
Yao" Caung:pa" Yham mae" mo, yaug khao: ngo" wa- Phung Bao Bo: Jo, Vashao: Wo"- ga: ta" ako".
10 Asang wa tham: no, re eib: na: ra".
Yao: wa apyad ato mae kho:kham khyo" eib: na: ra".
11 Asang wa yao" byumyu" re qam: o: byid: mung: yao: bam re ngaui pyo: yaug yo: ru shaman" byid' ra".