CAUNG: KHIN" 115
Date: Za: Ngad: Ra" Dangman" Ra" Mao"So
1 Asang we"- Mabaui mabyo; ra" ni" jhid'de; myid we' jhaug' zaug: ru: mathao mae ngonhaung" re mangad:-
nao re za:- nao dayaug re za: phungbao byid; vageshao: wo".
2 Byumyu" qe wa pe"mung: yang:- naonhaung" Mao"So khai: mae i? ga:
ngonhaung" re gai: qo" myid: genae" i?
3 Ngonhaung" nho: Mao"So wa
mug:gaung mae na:.
Yao: wa yao: o nug: rure kad' ra".
4 Yao: bam: so jham wa- ngaui we' qhang: yang kad' to: mung:-
xao su byu: lo; yang kad' to" ra" lo, mau" ngad: ako".
5 Yao: bam wa- nhad' de, qere: maqo" jhau-
myo,jid' de, qere: mamyao ngad: ako".
6 Yao: bam wa no:khye' de, qere: mathe' gyo:- nho de, qere:
sheim maqo" nae ngad: ako".
7 Yao: bam wa lo, de, qere: maqo" zaui:-
khyid de, qere: maqo" su:- thoe re: maqo" kad' thug' ngad: ako".
8 Yao: bam re kad' to: mung: yao: bam re lam khug: na mo, alhab' wa-
yao: bam kad' to" ra" solho jham we' dakhyo: boe" vageshao:.
9 Israel byumyu" naonhaung" we"- Asang mae khug ngha ge,-
Yao: wa naonhaung" re gug: gam byid: mung: bao" thaug' byid' na: ra".
10 Mao"So: khinjaung qe we"- Asang re lam khug: na ge,.
Yao: wa naonhaung" re gug: gam byid: mung: bao" thaug' byid' na: ra".
11 Yao: re caung:pa" na: ra" mo, alhab' we"- Asang re lam khug ge,-
Yao: wa naonhaung" re bao" yu mung: gug: gam byid' ra".
12 Asang wa ngonhaung" re myid; beim: mung: shaman" byid' ra".
Yao: wa Israel byumyu" re we' Mao"So: khinjaung alhab' re shaman" byid: nae".
13 Yao: wa yao: re nga: yhe' byid: mo, aqi: angai yaug khao: ngo" re
14 Asang wa naonhaung" we' naonhaung" myid:zo: qere
zo: dau khyid lo; byid: vashao:,
15 Myid gaung we' mug:gaung re phan" to" ra" Asang wa
naonhaung" re shaman" byid: vashao:.
16 Mug:gaung wa- Asang yao: za: sang: ru ngad: ra".
Ngadqere: myid gaung re wa xao su byu: qhid' mae" byid' to" ra".
17 Shid: lo" va" mo; yang Asang re maqo" caung:khin" ngad: ako".
Cae: jhug tag movo: mug: khyo gyo" lo" mo; yang Mao"So re maqo" caung: byid: ngad: ako".
18 Ngadqere: daui: na mo, ngonhaung" kam" wa- ana" re: apyad ato mae re:-
yao: re jeju beim: so" na: bam nae".
Asang re caung:khin" ge,.