CAUNG: KHIN" 114
Lai Co' Poe nghaui" caung:
1 Israel byumyu" qe Egutu mung" mae" phao: thug' lo lao" Yaku nho: myid:zo: qe taung bug: mang: mae" byaung" lo lao"-
2 Yuda wa Asang: gyang" lho" ra" byumyu" boe" lo: ako"- Israel wa yao: sang: ra" mo, boe" lo: ako".
3 Tham: Ne wa qu" mung: tao" phao: lo" ra".
Yodan gyaung: wa yug: thang: byaug:-
4 Bam jham wa cad be, jham re" ru: byae: phao: lo" ako".
Bug gaung jham wa yao nau" jham we' dakhyo: thug" jhu" qin" ako".
5 Pang:lai:: we"- nao re khag' yang tao" phao: lo" nhao: ra" i?
Alao" O"- Yodan gyaung: we"- nao pe"mung: yug: thang: lo" i?
6 Bam naonhaung" wa pe"mung: cad' be, ru: thug' byae ko" i?
Bug gaung naonhaung" wa pe"mung: yao nau" jham we' dakhyo: thug' jhu" qin" ko" i?
7 Myid gaung we"- Asang joe" li" re Yaku nho: Mao"So: qhid" kheim: mae gyaug: nin" na wa,
8 Yao: wa laung: mo" baui re qid tham: boe" sho' tha" pye' mung: laug byo, jham re qid yug: thug' li" nhao yaug ngad: ra".