26
Shid' Lang Ein: Lang Mae" Byu Japhin:
1 Qam" boe" thao Asang wa- Moshe re we' Arun nho: yauggai zo: Eleaza re-
2 Israel byumyu" mo, byu phung: geim" mae" gyekhe' ga" ra" yauggai qe asag shid' xe zin mangad: lao" ai: tho' qi" ra" mo, re japhin: gaug wa,- ga: ta" ra".
3-4 Moshe we' Eleaza wa mho dao: gyo: mung: ai: apyad qae" mae" yauggai alhab' re khai: zhang" yu: ako". Yao: bam wa- Yerikho mae" Yodan gyaung: thoete' Moba jao: dae mae phaung: ham: ako".
Cebam wa Egutu mae" phao: thug' lo: ra" Israel byumyu" qe ngad: ako".
5 Rubin kaung (Rubin wa Yaku nho: zoqhid' yauggai zo: ngad:) mae" Hanug Phalu-
6 Hezron we'- Kami ko' qe ngad: ako".
7 Ce: kaung gu: mae" yauggai 43,730 ngad: ra".
8 Phalu nho: myid:zo: qe wa yauggai zo: Eliab we'-
9 Eliab nho: yauggai zo: qe ngad: ra" Nemue- Dathan we' Abiram ngad: ako". (Ce: Dathan we' Abiram wa mo,byu phung: geim" yang khyin: san: to" ako". Yao: shid' yaug wa Kora kaung mae" mo, Asang re tau: lhan" ra" ayo, mae thao cao" ra" shava byu qere jhui" au: she mung: Moshe we' Arun re tau: lhan" ra" shid' yaug ngad: ako".
10 Myid gaung bag: go; li" mung: yao: shid' zo: re myug: pye' ra". Aimung: myi" yang byu 250 yaug re ngha" se' pye' au: re yao: shid' zo: wa Kora we' yao" thao cao" mo, we' daga" shid: lo" ako". Yao: shid' zo: wa mo,byu qe: qhid' mae" ta" peim: nae" aso: boe" lo: ako".
11 Ngadqere: Kora nho: yauggai zo: qe wa se' pye' ru maqhug' ngad: ako".)
12 Simon amyu" kaung mae" Nemue- Yamin- Yakhin- ko' qe
13 Zera we' Shau nho: myid:zo: qe-
14 Ce: ko' gu: mae" yauggai qe wa 22,200 yaug ngad: ako".
15 Gad amyu" kaung mae" Zephon Hagi- Shuni- kaung qe-
16 Ozni- Eri-
17 Arod we' Areli-
18 Ce: ko' gu: mae" yauggai qe wa 40,500 yaug ngad: ako".
19-21 Yuda kaung mae" Shela- Pere- Zera- Hezrun we' Hamu ko' qe (Yuda nho: yauggai zo: qemae" Era we' Onan shid' yaug wa Khanan mung" mae shid: ako".)
22 Ce: ko' gu: mae" yauggai qe wa 76,500 yaug ngad: ako".
23 Isakha kaung mae" Tola- Pua akaung-
24 Yashub we' Shimron akaung-
25 Ce: ko' gu: mae" yauggai qe wa 64,300 yaug ngad: ako".
26 Zebulun kaung mae" Sered- Elon we' Yahle akaung-
27 Ce: ko' gu: mae" yauggai qe wa 60,500 yaug ngad: ako".
28 Manashe we' Ephrim shid' zo" yao: pho" Yoseb nho: kaung mae"
29 Manashe nho: kaung Manashe nho: yauggai zo: Makira wa Gilead nho: yao: pho" ngad mung: ce: o: mae" myid:zo: qe wa Gilead ko' mae" mo, ngad: ako".
30 Leza- Heleg-
31 Asrie- Shekhem-
32 Shemida we' Hepha ko' ngad: ako".
33 Hepha nho: yauggai zo: Zelophehad wa yauggai zo: maqo" myiqe: zo: qe za: qo" mung: yao: tao ho' mang wa Mala- Noa- Hogla- Mikha we' Tiza ngad: ako".
34 Ce: ko' gu: mae" yauggai 52,700 yaug ngad: ako".
35 Ephrim kaung mae" Shuthela- Bekhe we' Tahan akaung ako' qe ngad: ako".
36 Eran ko' mae" mo, wa Shuthela mae" gyo" lo mo, ngad: ako".
37 Ce: ko' gu: mae" yauggai qe wa 32,500 yaug ngad: ako".
Cebam wa Yoseb mae" ko' gyo" lo mo, ngad: ako".
38 Benyamin kaung mae" Bala- Ashbe- Ahiram.
39 Shephupham we' Hupham ko' ngad: ako".
40 Ard we' Naman ko' mae" mo, wa Bala mae" ko' gyo" lo mo, ngad: ako".
41 Ce: ko' gu: mae" yauggai qe wa 45,600 yaug ngad: ako".
42 Dan kaung mae" Shuham-
43 Yauggai qe 64,400 yaug ngad: ako".
44 Ashe kaung mae" Imna- Ishvi we' Beria akaung ako' ngad: ako".
45 Hebera we' Malkhie ko' mae" mo, wa Beria mae" ko' gyo" lo mo, ngad: ako".
46 Ashe mae Sera ga: mang: ra" myiqe: zo: dayaug qo" ra".
47 Ce: ko' gu: mae yauggai qe wa 53,400 yaug ngad: ako".
48 Nabhtali kaung mae" Yahze- Guni-
49 Yeze we' Shilem-
50 Ce: ko' gu: mae" yauggai qe wa 45,400 yaug ngad: ako".
51 Israel byumyu" qemae" yauggai alhab' wa 601,730 yaug ngad: ako".
52 Asang wa Moshe re-
53 Mug: myid re- byumyu" kaung aqi: angai- myo:- nang: cao" yang: kho' gae byid: wa,-
54-56 Pha" ce' khyo" yang: mug: myid re phyid' kyo" kho' mung: byumyu" kaung qi: qere je: lu: gu:- kaung ngai qere je: lhu" gu: byid: wa,- ga: ta" ra".
57 Levi kaung mae bo: bo mo, wa Gershon- Kohad we' Merari ko' jham ngad: ako".
58 Yao: bam: o mae Libni boe:- Hebron boe: Mahli- Mushi boe: we' Kora boe: bo: ako". Kohad wa Amram nho: yao: pho" ngad: ra".
59 Amram wa Levi nho: myiqe: zo: Egutu mae khau: ra" Yokhebed re yu: ra". Yao: wa Amram re yauggai zo: shid' yaug Arun we' Moshe myiqe: zo: Miriam re khau byid' ra".
60 Arun wa Nadab- Abihu- Eleaza we' Ithama ga" ra" yauggai zo: byid yaug qo" ra".
61 Nadab we' Abihu wa Asang re magyang" lho" ra" myi: qhaug' byid' au: re shid: lo" ako".
62 Lho" dakhye' we' ai: tho' qi" ra" Levi yauggai qe wa- 23,000 yaug ngad: ako". Yao: bam re Israel mung" mae pe" jo; nho" mabo: byid' to" rumung: Israel byumyu" kaung gaje qe mae" kho' mung: japhin: gaug: yu: ako".
63 Ce: japhin: alhab' wa Yerikho dashad' mae" Yodan gyaung: thoete' Moba jao: gyu" mae- Israel byumyu" qere- Moshe we' Eleaza gaug: ru ngad: ra".
64 Sina din"pyad' yo mae Moshe we' Arun gaug: to" ra" sao qhid' lhang mae" byu japhin: mae bo: ru dayaug re lhao" mabonghe' khyo" ngad: ako".
65 Asang wa- yao: bam alhab' mo, seyo mae shid: dam: genae" ga: ta" mung: Yephune nho: yauggai zo: Khaleb we' Nun nho: yauggai zo: Yoshu mae" lai yang: alhab' shid: shao" ako".