28
1 Ayo, dajhi myang" thang: ri Israela byumyu" yiri zain: wa ga: Philisti byumyu" yigi gyiphung: ri khe: zheing" to" lho: Akhisha gi David ri �Nang yo' re" byu yigi nga" shoid khyo" gyi bo zain: ca" ziri nang gyeing" se' nyid ca" wa zi nghoid� ga: tid.
2 David gi �Nghoid bye:- ngoo gi re" dei zoo: nghoid ziyo' ngoo ciyo" koid ein: zigi nang nyang: si' bye: zi nghoid� ga: tid.
Akhisha gi �Gi bye:- ngoo gi nang ri ayo, byeung" nga" kangso' zung" su: koid nhang: wa� ga: tid.
3 Akhid" Samuela shid: bye: yoomo Israela byumyu" dangain" mo, nheig koug nheig nge ziyo' nyang: ri nya: moug: nghoid da" Rama voogung moo myhoeb too" bye:. Sholu gi boid phyed bang: yo' yu myhi yiri Israela mungdain: mo khaid thu wa shid re" soin' nyid da:.
4 Philisti gyiphung: yi Shunem voogung ayam moo dab koid lho: zoeb foem: nyid. Sholu we' Israela byumyu" yiri khe: zheing" yu wigi Gilaboa boem moo dab koid nyid boem.
5 Sholu gi Philisti gyiphung: ri myang lang gye: gyoug nyid wigi
6 Cikoid wa ziri Aseing jhang lo" myid: yu" bye:. Nghoid loug we' Aseing gi yhoebmo, moo we' Urim yo' Thumin koid jang" moo we' lapi: yi khyo" we' aphug tid nghoid da:.
7 Hau: thang: Sholu gi nya: moo" voin bang: ri �Ngoo ri yu koid su: dayug yhe: shoo: byid: ge'. Ngoo nyang: ri yhe: myid: yu" wa� ga: tid.
Nyangnu" gi �Endora voogung moo: dayug nyid� ga: tid.
8 Houg: yoomo Sholu gi gootu: byimi thid void- asam" phyug pyam lho: moug: coid thang: ri nya: byu eig yug yo' dage" myiyi: myhi ri yhe: shoug" bye:. Nyang: gi myiyi: myhi ri �Nga" shid re" byoo joem ri myid: yu" wigi cibui" wa ziri tid kyoo" la- ngoo myeing tid su: da" byoo ri khi: byid: we'� ga: tid.
9 Myiyi: myhi gi �Boid phyed bang: yo' yu koid bang: ri Israela mungdain: mo khaid thu' pyam wa shid re" soin nyid da" Sholu akhyoo" ri nang bain se' nyid thang: ri ngoo ri said pyam wa zi shoug" wa shid re" ciwim yoomo joug jhoin" nyid la"� ga: tid.
10 Hau: thang: Sholu gi deingbyeing" dangsoo" kham: yu lho: myiyi: myhi ri �He: zi koid yoomo nang ri dam kaid zi ashau" baja" kangso' Aseing jhang ngoo dangsoo" to" too" bye:� ga: tid.
11 Myiyi: myhi' gi: �Re" shid re" hang" ri khi: byid: wa la"� ga: tid. Nyang: gi �Samuela� ga: tid.
12 Myiyi: myhi gi Samuela ri myang lang" kyi: ngau lho: Sholu ri �Nang ngoo ri ciwim yoomo mhoug lha". Nang nyang: khokham Sholu nghoid da� ga: tid.
13 Khokham gi myiyi: myhi ri �Agyug ca"- nang ciri: myang lha"� ga: tid. Myiyi: myhi gi �Myidjang khoug mo Venyi joem thu' lo zi ngoo myang� ga: tid.
14 Nyang: gi �Hau: zi ciyo' du lha"� ga: myid:. Myiyi: myhi gi �Mangzoo: phoug" dayug to' lho: adang byi: we' void ci: da� ga: tid. Hau: thang: Sholu gi hau: zi Samuela nghoid ziri si' lang" nyang: gi phau" myang: ziyo' myidgung khyoo: goeb pid bye:.
15 Samuela gi Sholu ri �Nang ngoo ri ciwim lhu: nhung nyid lha". Nang ngoo ri ciwim doem tau" nhang: nyid lha"� ga: myid: bye:. Sholu gi �Ngoo yau: khi" zeing shau" nyid. Philisti byumyu" yigi ngoo ri meing: zain: loo bye:. Mangsoo gi ngoo ri she: pyam bye:. Nyang: gi ngoo ri lapi: yi khyo" we' Yhoebmo, khyo" we' atu" byid: loo: nghoid da:. Houg: yoomo ngoo cikoid ca" ein: ziri tid khyoo" nhang: wa shid re" nang ri ngoo khe: zi nghoid� ga: tid.
16 Samuela gi �Aseing nang ri she: pyam lho: re" gyivoo nyang: bui" bye: ri ciwim yoomo ngoo ri khe: nyid lha".
17 Aseing ngoo ri tid nhang: ziyo' dayhang: ti" nyang: koid bye: zi nghoid. Mungdain: ri re" jang" mo yu wigi David lo, moo nyang: ab byid: bye:.
18 Nang gi Aseing da" amyeing" dang: ri atam" gyoo: loo: za: Amaleg byumyu" yi yo' nyangnu" da" jonu" dangain" ziri bain sho' aphyo' pyam zi nghoid da:. Hougsu" yoomo Aseing gi he: moo" zoo" ri akhid" nang moo: koid nyid zi nghoid.
19 Nyang: gi nang yo' Israela byumyu" yiri Philisti byumyu" yi: da" lo, moo ab pyam zi nghoid. Nab kyoo' nang yo' re" zoo: yi we' ngoo yo' dage" nghoid nyid wa zi nghoid. Aseing gi Israela gyizoo: yiri Philisti byumyu" yi lo, moo: ab byid: wa zi nghoid� ga: tid.
20 Sholu gi Samuela tid da" dang: ri shoug" gyoo: lang" gyoug wigi dalheing: dam myidgung khyoo: leung loo" khari" bye:. Nyang: gi danyid" goin" damyen goin ci: azoo: ashug yoomo yoem: yoem" nyid.
21 Myiyi: myhi we' nya: jhang khyoo: yhe: yu" ri nyang: gye" gyoug nyid ziri myang lang" myiyi: myhi gi �Je" ju" mo aseing we"- nga" kangso' ri byid: pyam lho: nang myid: gu: ri tid khyoo" bye:.
22 Akhid" ngoo tid ziri jeju" mo tam" gyoo: we'. Re" shid re" ngoo zoo: shug soin byid: ba. Nang gyung: yo" soo" wa shid re" hau: ziri zoo: ca" wa zi nghoid� ga: tid.
23 Sholu gi ciwe' anau zoo: ga: he: pyam bye:. Nghoid loug we' nya: moo" voin bang we' zoo: shug zoo: wa shid re" tid bye:. Lo" thang moo nyang: gyo: wigi myidgung mo to' lho: yhoeb yoo moo zhung: jo, da:.
24 Myiyi: myhi we' nyang: zho" xu: to" da" nu: zoo: ri myab myab said lho: cen: moin" dajhi' ri yu wigi doocid" akaid loo: za: zooyho' ri boung: bye:.
25 Myiyi: myhi gi Sholu yo' nya moo" voin bang: shidkhoin" moo zoo: shug ri soin' byid: lho: nyangnu" hau: ziri zo: wigi hau: myen jang: to' yhe: loo" bye:.