27
1 David gi �Danyid" nyid" ri Sholu gi ngoo ri said pyam wa myang. Philisti byumyu" yi jhang khyoo: phang: vang rigi nga" shid re" je gi wa. Hau: thang: Sholu gi Israela mungdain moo ngoo ri sho: nyid zi theing: byug lang" gau: nyu: nyid wa zi nghoid� ga: nya: oungkhoug: moo: myid nyid da:.
2 Houg: yoomo David yo' nya: byu khyug shoo: gi dalheing: dam Gad khokham Mokha da" nya: zoo: Akhisha jhang khyoo: yhe: loo" bye:.
3 David yo' nya: byu yigi nyangnu" deungkhu: yo' dage" Gad voogung moo theing: nyid boem. David we' nya: yhoem: seing: myhi' eig yug nghoid da" Yezrela voogung mo Ahinoam yo' Kharmela voogung mo Nabala da" cougmoo" myhi Abigela tang: yo' dage" nyid nyid da:.
4 David Gad voogung khyoo: phang: loo" bye: ga: da" lu dang: ri Sholu shoug" gyoo: lang" nyang: ri sho: yen" moo" zoo" ri theing: pyam bye:.
5 David gi Akhisha ri �Nang nga" byencang" nghoid rigi voogung zoo: daloem: moo nyid wa akhang" byid: we'. Aseing nang yo' dage" voomoo" moo nyid wa zigi aca"� ga: tid.
6 Houg: yoomo Akhisha gi nyang: ri Zila voogung ri byid: yoomo Zila voogung ri akhid" ju" sho' Yuda khokham joem seing: to" boem.
7 David gi Philisti moug: moo lhammoo" daxe: khyug khyab nyid bye:.
8 Hau: ayo, ri David yo' nya: byu yigi hau: joyoo moo shidphyang" mo nyid da" Geshuri- Girazi yo' Amaleg byu yiri meing: yhe: zain: boem ago". Nyang: gi nyangnu" mougmyid ri Egutu mung" khyoo: gyoo" yhe: da" Shura voogung ju" sho' khaid zain: lho:
9 Myiyi: yuggi dangain" ri said pyam wigi yang- nu:- loo zei:- Gola-ug yo' byimi joem ri we' yu lo" boem. Hau: thang: nyang: gi Akhisha khyoo: doem tau" lo" ri
10 �Akhid" nang khayoo: yhe: khaid zain: nyid la"� ga myid: lang" David gi nyang: ri �Yuda mung" mougpyi: shoid- Yeramela akung: yi da" mougmyid- Keni byumyu" yi nyid da" moug: ju" sho' yhe: khaid" zain: bye:� ga: tid.
11 Gad voogung khyoo: lo" wigi nyang: yo' nya: byu yi gyeing" koid bye: khyoo: ri ayo" lo" tid khyoo" sho' David gi myiyi: yuggi dangain" ziri said pyam bye:. David gi Philisti moug: moo nyid ayo, dangain" moo hid: su' kyeing" koid bye:.
12 Nghoid loug we' Akhisha gi David ri loem ziyo' �David gi nya: Israela byumyu" yi wigi gye" ngheing" nyid yoomo ngoo ri dapyaid goin" dei byid: nyid wa bye:� ga: myid nyid.