8
1 Houg: lang" yang nu" gi dazid' nyhed loem: ein: wa loem ri doem phang kaid lang" gi mougkhung: gi ayo, dago" yi" koo- sam" zoo: tam" to".
2 Hau: thang: ri Mangsoo da" shidkhoin" moo yab, jo da" moug: lagyoo: nyhed yug ri ngoo myang- nyangnu" ri laboo" nyhed loem: zheung: byid: to".
3 Hau: thang: ri mau: lagyoo: gootu: dayug gi xoin" to' phoin: nam, moo sheing: yo' koid to" da" nam, pyo: shoem: nghe ja" lang: goin: ri ci: lho: re" yab, kaid. Nyang: gi zhungtang shidkhoin" mo sheing: yo' koid to" da" xoin" to' phoin: tho' moo Mangso byu yi dangain" mo, akyu" mho' da" dang: yo' dage" myi: nghi, xoin" to' nyid jang moo lung: byid: wa shid re" nam, pyo: ja" shoem: myoo" sho' hau: yug ri byid: to".
4 Myi: nghe to" da" nam, pyo: shoem: myikhoug" gi Mangso shidkhoin" moo yab, jo, su: moug: lagyo: da" lo, mo wigi Mangso byu yi da" akyu" mho' thui: yo' dage" neing" do, lo nyid.
5 Hau: thang: ri moug: lagyoo: gi nam, pyo: shoem: nghe ja:- sheing: lang: goin: ri yu lho: xoin" to' phoin: tho' mo myi: ri yu kaid wigi mougmyid tho' khyoo: du" sain" khyo' kaid. Houg: lang' moug: goem: goem: myeung lo ziyo' lhab, myeug, lo asu, bue" loo bye:.
6 Hau: thang: ri laboo" nyhed loem: ri ci: da" moug: lagyoo: nyhed yug gi laboo" joem ri moid kaid wa shid re" soin' nyid boem bye:.
7 Mau lagyoo: xangshid" yug laboo" moid kaid lang gi suid" lheug, da" myi: yo' leig voo ri myidjang tho' khyoo: foid khyo kaid wigi Mougmyid soem" boem, mo daboem- seiggam, joem we' soem" boem mo daboem- yo' nyau, young" jo, da" mhain" zoo: lung: lid' we' dangain" nge" pyam bye:.
8 Eig yug ein: da" moug: lagyoo: gi laboo" ri doem moid kaid lang" myi: nge" nyid yhang: te" da" boem, moo" zeing ri panglai: gyid thoem" moo du" khyo' kaid. Houg: lang" panglai: gyid thoem" gi soem" boem mo daboem suid" gyid thoem" bue" loo khari" bye:.
9 panglai: khoug: mo dei noem we' soem" boem mo daboem gu: shid: khare" lho: gyid sangphoo' joem we' soem" boem mo daboem gu" gi byo, loo" khari" bye:.
10 Soem" yug ein: da" moug: lagyoo: gi laboo" ri doem moid kaid lang" myidoem su" doug, bang nyid da" kyizeing' dacab, gi gyid lang moo" joem yo' gyid bug, joem soem" boem mo daboem da" atho' moo mougkhung: tho' khyo" re" byid gyo" nhe' zeug to".
11 Hau: kyizeing' da" myeing gi ?Kho" da" khain: cid" myoono,? ga: zi nghoid. Hau: gyid lang, soem" boem mo daboem gi gyid khoo" bue" loo" khari" bye:- hau: gyid khoo" ri shau" shug da" byu yi myoo" sho' bang: gi shid: loo" bye:.
12 Myid: yug ein: wa da" moug: lagyoo: laboo" moid kaid lang" bid soem" boem mo daboem,- lham" moo' soem" boem mo daboem- kyi: joem yo' bo" bang yi we' soem" boem mo daboem- mougcoid bue" lo" byug yoomo nyid" soem" boem mo daboem yo' myen" soem" boem mo daboem- boo" bang ayoo" loo.
13 Houg: lang" ngoo doem yu" kaid ri gyoug pho" zi gyoug pho" joem: lo" khyoo" o"? ga: gootu: da" moug: lagyoo: soem" yug moid kaid da" laboo" thui: joem myeung thu' loo lang" mougmyid tho' mo nyid moo nyid bang: shid re" Atho' tid da" gyoug pho" khyoo" o"? ga: wigi- mouglaid phyoo" moo dang: lheung: yen" da" zoinbung: dadu: thui: moo" yo' nyho: tid yen" ziri ngoo shau" gyo.