7
1 Hau: thang: ri moug: lagyoo: myid: yug gi mougmyid ajhoin: myid: shoid moo yab, jo, lho: nyangnu" gi tung: goung, myidjang tho' moo yo' panglai: gyid thoem" tho' moo we' seiggam dangain" tho' moo we' lid' ayo" hau, loo wa shid re" myid: shoid goin" mo lid' ri zei: zeung, ci: boem, ziri ngoo myang.
2 Hau: thang: ri apyaid atoo: dei nyid da" Mangso dazid' ri ci: ri" su: bidthu shoid mo moug: lagyoo: dayug ri ngoo myang- nyang: gi mougmyid yo' panglai: ri yo" phyo' shoin pyam da" yoemso- Mangso wigi byid: to" zi shau" da" moug: lagyoo: myid: yug ri thui: zeing yo' nyho: yoid zigi
3 Ngoonu" da" Mangso byu yi da" ngei lang: moo dazid' ashau" baid tab byid: shi" ri Nanu" gi mougmyid ri we' panglai: yo' seiggam joem ri we' ce: ja" dam, we' atab shi' goo"? ga: tid nyid.
4 Hau: thang: ri dazid' bain tab too" bye: bang: da" nghab yug ri ngoo shau" gyo:- Hau: nghab yug joem gi 144000, bo lho:- Israela daxe: eig kung: mo bang: nghoid.
5-8 Damoin eig khyeing" khyeing" dazid' thoung" tab byid: zi shau" da" amyu akung: ako' yi gi Yuda Rubin Gaid Ashu Nabthali Manashe Simun Levi Yishakha Zebulon yo' Yoseb Benyamin nghoid nyid.
9 Hau: thang: ri ngoo doem yu" kaid uri hang" we' ayo" tho' nghab lo: da" byu phung: moo" ri myang kaid- nyangnu" gi byumyu" byu kung:- azhang cang: joeb ziyo' myeing" acang: joeb, kaid mo, nghoid nyid boem. Nyangnu" gi byiphyu: sheing: ri void ci: boem lho: nyangnu" da" lo, moo gi zhainloin:: kyang: ri ci: wigi zhungtang yo' yang nu" da" shidkhoin" moo zheung: yab, jo, boem.
10 Nyangnu" tid nyid boem zigi khyoid yu da" jeju" gi zhungtang tho' moo zhoung: jo, su: ngoonu" da" Mangsoo yo' yang nu" jhang mo yo" yu zi nghoid- ga: wigi thui: moo" yo' yoid nyid boem.
11 Moug: lagyoo: dangain" mo, gi zhungtang ri we' Ludaid yi ri we' dei noem gougnyhoug myid: ja: ri we' lheungkhoem yab, jo, lho: nyangnu" gi zhungtang shid moo goeb gyo" lho: Mangsoo ri coung" pid nyid boem zigi
12 Amen Ngoonu' da" Mangsoo ri apyaid atoo: moo coung" nghei tu: to' nyid boem wa"- Mangsoo gi myonhoo: phung" yoeb, phajhi" juyhi bug, thu sheing" jhu"- myonhoo: ngeilang: phoug" tab ngi: shab byid: zi nya: da" jeju" ri coung" nghei nyid boem baja"- Amen, ga: nyho: coung" nyid boem.
13 Ludaid yi mo dayug gi Houg: ri byiphyu: void ci: mo, gi hang" nghoid go" lha" kha: yo thu' loo mo, nghoid go" lha"? ga: myid: .
14 " Aseing we" ngoo ase' Nang dase', ein: ngoo phoug tu". Nyang: ngoo ri tid zigi Houg: bang: gi sho" jhin: yaukhi" shen" yhen gyoug pho" akhoug: mo loid byoin thu' loo mo, nghoid- nyangnu" da" byisheung: joem ri yang nu" da" suid"wigi moin: phyu: sho' bain cid" phyu: boem bye:.
15 Houg: yoomo nyangnu" gi Mangso zhungtang shidkhoin" moo zheung: yab, jo, lho: nya: da" Mangsoo yhoem: moo" moo nyid" ri myen" ri coung" nghei noku nyid boem. Zhungtang tho' moo zhoung: jo, su: we' nyangnu" yo' dage" nyid lho: nyangnu" ri yu" goin, yu" coung: nyid.
16 Nyangnu" gi thang: phyang" khanham we' zooyoid gyid shed ziyo' bid lhab, nge" loung, zi we' shau" loo: goo" wa zi anghoid loo.
17 Khasu" wim gari zhungtang agung moo nyid da" yang nu" gi nyangnu" da" yang zung" su: nghoid wa wigi kangso' gyid bug, ju" sho' shu" vhu" zung" lhug yhe:loo" wa su: nghoid. Hau: tho' mo Mangsoo gi nyangnu" da" myojid" mo ngoug byid dangain" shang" shang soid pyam byid: wa zi nghoid- ga: tid nyid.