COUNG" NGHEI 136
1 Aseing ri jeju" boin: coung" nghei nyid ge'-
Khasu" wim gari nyang: gi gyi: su: nghoid-
nya: da" jheddab nheigloem: gi pyaid moo: too: moo: dageung: teung jo.
2 Phara" joem dangain" tho' mo gyi: thang su: ri
jeju" boin: coung" nghei nyid we'.
Nya: jhed khyeing: kang: khyeing: gi pyaid moo: too: moo: dageung: teung jo.
3 Aseing yi dangain" tho' moo gi myhang: thang su: ri
jeju" boin: coung" nghei nyid we'.
Nya: da" jhed khyeing: kang: khyeing: gi pyaid moo: too: moo: dangeung: teung jo.
4 Nyang: kyeing" za: alhoo: again' zeing joem ri koid shoug nyid.
Nya: da" jhed khyeing: kang: khyeing: gi pyaid moo: too: moo: dageung: teung jo.
5 Nya: da" ung: yeig phajhi" yo' mougkhung: mougdi ri nyang: tam: to" abye:.
Nya: jhed khyeing: kang: khyeing: gi pyaid moo: too: moo: dageung: jo.
6 Nyang: gi no, da" gyid thoem" tho' moo mougmyid yoosoo" ri: zhoug to" abye:.
Nya: jhed khyeing: kang: khyeing: gi pyaid moo: too: moo" dageung: teung jo.
7 Nyang: gi bid yo' lhammoo" ri phain" so: to" abye:-
nya: da" jhed khyeing: kang: khyeing: gi pyaid moo: too: moo: dageung: teung jo.
8 Bid gi nyid" ri vhoebkhang" wa shid re" phain" so: to" abye:.
nya: da" jhed khyeing: kang: khyeing: gi pyaid moo: too: moo: dageung: teung jo.
9 Lhammoo" yo' kyi: ri phain" so: to" zigi myen" ri vhoeb khang" wa shid re nghoid.
Nya: da" jhed khyeing: kang: khyeing: gi pyaid moo: too: moo: dageung: teung jo.
10 Nyang: gi Egutu byumyu" yi da" zooshid" yiri said pyam, byid: bye:.
Nya: da" jhed khyeing: kang: khyeing: gi
pyaid moo: too: moo: dageung: teung jo.
11 Nyang: gi: Israela byumyu" yiri Egutu meing: mo shu" thu lo bye:.
Nya: da" jhed khyeing: kang: khyeing: gi
pyaid moo: too: moo: dageung: teung jo.
12 Nya: da" yoem: bo lo, yo' yoem: moo" byeung" da" lo, yoem: yo' nyangnu" ri shu" lo bye:.
Nya: jhed khyeing: kang: khyeing: gi pyaid moo: too: moo: dageung: teung jo.
13 Nyang: gi gyid ni, thoem" ri eig khyam" khyo' kho' pyam bye:-
nya: jhed khyeing: kang: khyeing: gi
pyaid moo: too: moo: dageung: teung jo.
14 Nyang: gi nya: da" byumyu" yiri
hau: da" agung khyo" shu" lid lo abye:.
Nya: jhed khyeing: kang: khyeing: gi
pyaid moo: too: moo: dageung: jo.
15 Nghoid loug we' nyang: gi Egutu khokham yo'
nya: da" gyiphung: zeing ri gyid thoem" moo: noeb shid: pyam nhang: bye:.
Nya: da" jhed khyeing: kang: khyeing: gi pyaid moo: too: moo: dageung: teung jo.
16 Nyang: gi nya: da" byumyu" yiri dain' pyoid yoo khyo" shu" loo bye:.
Nya: jhed khyeing: kang: khyeing: gi pyaid moo: too: moo: dageung: teung jo.
17 Nyang: gi zau: khoin" so, yo' byeung" jo, da" khokham yiri said pyam da:.
Nya: jhed khyeing: kang: khyeing: gi pyaid moo: too: moo: dageung: teung jo.
18 Nyang: gi myeing fu" nyid da- khokham yiri yo" said pyam abye:.
Nya: jhed khyeing: kang: khyeing: gi
pyaid moo: too: moo: dageung: teung jo.
19 Nyang: gi Amori khokham Sihon ri we' said pyam abye:.
Nya: jhed khyeing: kang: khyeing: gi
pyaid moo: too: moo: dageung: teung jo.
20 Nyang: gi Bashan khokham O ga ri we' said pyam bye:.
Nya: jhed khyeing: kang: khyeing: gi
pyaid moo: too: moo: dageung teung jo.
21 Nyang: gi nyangnu" da" mungdain: joem ri
nya: byumyu" yi da" lo, moo: ab byid: pyam bye:.
Nya: jhed khyeing: kang: khyeing: gi
pyaid moo: too: moo: dageung: teung jo.
22 Nyang: gi houg: bang: ri nya: deizoo: Israela da" lo, moo: byid: pyam bye:.
Nya: jhed khyeing: kang: khyeing: gi
pyaid moo: too: moo: dageung: teung jo.
23 Nyangnu" da" soem" joem: loo shau" lo da" uri nyangnu" ri nyang: gi ato" myhed pyam.
Nya: jhed khyeing: kang: khyeing: gi
pyaid moo: too: moo: dageung: teung jo.
24 Nyang: gi nyangnu" ri ngoonu" da" gyivoo joem da" lo, mo
loid byoin loo" nhang: bye:. Nya: jhed khyeing: kang: khyeing:
pyaid moo: too: moo: dageung: teung jo.
25 Nyang: gi phain" so: to" da" dei moo: dei ri zoo: noem byid: zho" nyid.
Nya: da" jhed khyeing: kang: khyeing: gi
pyaid moo: too: moo: dageung: jo.
26 Mougkhung: mougdi mo Mangsoo ri jeju" boin: so" nyid we'.
Nya: jhed khyeing: kang: khyeing: gi
pyaid moo: too: moo: dageung: teung jo.