COUNG" NGHEI 137
1 Babelon gyid lang yam, joem moo ngoonu" zhoung: jo, lho:
Ziun ri boin: so" kaid uri ngoonu" ngau nyid boem.
2 Ngoonu" da" teing joem rigi moug: gyid avho:
seiggam, joem moo: lhang yoin" to".
3 Ngoonu" ri myheug shu" loo bang: wigi ngoonu" ri jihkoin" khoin" nhang: boem
Ziun da" khyoo: jihkoin" daja: khoin" kyoo" ge ga: wigi
nyangnu" ri shapyoo: wa shid mo
nyangnu" gi ngoonu" ri tid ago".
4 Tungbau meing: moo: ngoonu" gi
Aseing ri: jihkoin" khasu" se' yo" khoin" wa lha".
5 Yerusalem we"- ngoo nang ri to" myhed pyam nghoid rigi
ngoo gi teing ri khanham we' adoem se' baid loo: wim, loo" khari: baja".
6 nang ri ngoo to" myhed pyam wigi Yerusalem ri nga" gau, yi
thang da" joyoo akoid lo: nghoid rigi
ngoo gi jihkoin" adoem yo" khoin" lo: wim, khari: baja".
7 Aseing we" Yerusalem myheug shu" lo" zi shau" da" bidnyid moo
Edom byumyu" yi cikoid loo bye: ziri boin: so" nyid we'.
Myidjang moo: dab, byug sho' phyo' shoin pyam ge
ga: wigi nyangnu" khasu" tid loo bye: ziri boin: so" nyid we'.
8 Babelon we"- nang gi phyo, shoin pyam zi shoug" wa
nang ngoonu" ri koid lai loo bye: ziyo' dakhyoo" ti"
nang ri latoo: doem tau" phug byid: mo, gi ngilho' nyid.
9 Re" da" zoonu" yiri vu, yu lho: lug thi: moo: thung" mo,
Nyangnu" nghoid nyid boem.