25
1 Israela byumyu" yi shug janggyoin: moo: dab koid lho: nyid boem uri yuggi yigi hougmoo: nyid da" Moba myiyi: yi yo' gung shoo" zoem" boem ago".
2 Hau: myiyi: joem gi nyangnu" ri Moba da" yu phara" ri xoin" ngei" no' pui" khyoo: khe: boem. Israela byumyu" yigi zoo: noem ri zo: lho: Peora mo Bala yu phara" ri no' boem ago".
3 Houg: yoomo Aseing gi nyangnu" ri nheig yo: lho:
4 Moshe ri ?Israela vhujhung: yi dangain" ri khe: yu lho: nga" amyeing" dang: tam" gyo: khyo" nyangnu" ri nyid" dang: gung ri said pyam we'. Houg: lang" hau: byumyu" yiri ngoo nheig ayoo: loo: wa? ga: tid.
5 Moshe gi moo" voin bang: ri ?nanu" yugkhang" moo" gi nyang: nya: kung: mo Bala yu phara" ri no' mo, dangain" ri said pyam ca" goo" wa? ga: tid.
6 Moshe yo' Israela byumyu" yi Aseing shidkhoin" Zoem" moo nheig koug nyid boem ri Israela byu dayug nyangnu" shidkhoin" khyo" Midian myiyi: dayug ri nya: zoem" khyoo: shu" vang lo" da:.
7 He: ziri khainjung Arun da" nya: myid: zoo: Eliaza da" nya: yuggi zoo: Phineha myang lang" hau: phung: foem: mo to' phang: lo" da:. Nyang: gi lham: toid ri yu ci: lho:
8 hau: yuggi yo' myiyi: tang: vang lo" da" zoem" khyoo: cang vang yhe: lho: nya: eig yug goin" ziri lham: toid yo' yhe: thau" kyang too" bye:. Hid: su" khyo" wigi Israela byumyu" yiri phyo' shoin nyid da" lang: yoem" ri yo" toem' pyam ago".
9 Nghoid loug we' hau: lang: yoem" wigi byu eig moin myid: khyeing" ri bain said pyam bye:.
10 Aseing gi Moshe ri
11 ?Phineha koid da" moo" zoo" yoomo Israela byumyu" yiri ngoo anheig yoo: loo:. Nyang: gi ngoo mo lid wigi gootu: yu phara" ri anoku nau nghoid da:. Houg: yoomo nyangnu" ri nga" nheig yo: ziyo' aphyo' shoin pyam loo: wa.
12 Houg: lho: ngoo gi ju" loo wa da" ayo, dangain" moo: ge ci: wa da" dang: theing ri nyang: yo' to" too" wa ein: nyang: ri tid kyoo" we'.
13 Nyang: yo' nya: amyed ashen yiri yo, byeung" khainjung bue" nyid nhang: bye:. Ciwim gari: ngoo ri mi shi' lo da" kha: yug ri we' azeing: kham: too" lho: Israela byumyu" yi shid re" yooboo khyoid wa khyoo: koid byid: zi nghoid da? ga: tid.
14 Hau: Midian myiyi: myhi' yo' dage" said pyam zi shau" da" Israela byu myeing gi Simun kung: yhoemkhung: vhujhung: Salu nya: yuggi zoo: Zimri ga: su: nghoid.
15 Midian myiyi: myhi' da" myeing gi Kozbi nghoid da:. Nya: phoo Zura gi Midian byu kung: mo zoug: agyi nghoid da:.
16 Aseing gi Moshe ri
17 ?Midian byumyu" yiri khaid zain: wigi said toem" pyam ge'.
18 Ciwim ga: ri Peora moo: nanu" ri mhau pyam ziyo' Peora moo: lang: yoem" ju" da" ayo, moo: said pyam zi shau" da" Kozbi yoomo nghoid? ga: amyeing" byid: da:.