26
1 Lang: yoem" bue" thang: ri Aseing gi Moshe yo' Arun nya: yuggi zoo: Eleaza ri
2 ?Israela byumyu" shava phung goin" mo gyi khaid ge" da" yuggi yi apyaid eig xi: zain yo' eig xi: zain tho' gyi: da" mo, ri zhayhen" koid: yu ge'? ga: tid.
3-4 Moshe yo' Eleaza gi tid dang: tam" gyo: wigi hau: apyaid yam" mo, yuggi dangain" ri khe: zheing" yu ago". Nyangnu" gi Yerikho mo Yodan gyid lang thei: tab Moba jang: pa: moo phung: foem: nyid boem.
Hid: bang: gi Egutu mo phang: thu lo da" Israela byumyu" yi nghoid.
5 Ruben kung: (Ruben gi Yaku da" zooshid" yuggi zoo: nghoid da) mo Hanug- Palu
6 Hezron- yo' Khami kung: bang: nghoid ago".
7 He: kung: gu: mo yuggi 43730 yug nghoid.
8 Palu da" amyed ashen yigi Eliaba.
9 Eliaba da" yuggi zoo: yigi Nemuela- Dathan yo' Abiram nghoid ago". (He: Dathan yo' Abiram gi shava byu phung: goin" wigi khyen: to" ago". Nya: eig yug gi Lora bang: Aseing ri thougtheung gyi koid uri Moshe yo' Arun ri thougtheung lho: Kora da" phung: khyoo: vang su: eig yug nghoid.
10 Myid gung gyam: re" wigi nya: eig yug ri myhau: pyam da:. Houg: lho: myi: wigi byu 250 yug ri nghe" pyam uri nya: eig yug gi Kora yo' nya: thang: cang mo, yo' dage" shid: lo" ago". Nya: eig tang: gi byu yi shid re" zid" nhang: khyoo: bue" loo bye:.
11 Nghoid loug we' Kora da" nya: yuggi zoo: yigi said pyam zi ashau" nghoid ago")
12 Simun akung: ako' mo Nemuela- Yamin- Yakhin
13 Zera yo' Shaula da" akung: ako' yi nghoid.
14 Hid: bang: mo yuggi 22,200 yug nghoid.
15 Gad byumyu" kung: mo Zephon- Hagi- Shuni-
16 Ozni- Eri-
17 Arod yo' Areli da" akung: ako' yi nghoid.
18 Hid: bang: mo yuggi 40,500 yug nghoid
19-21 Yuda byumyu" kung: mo Shela- Pereza- Zera- Hezron yo' Hamula da" akung: ako' yi nghoid. (Yuda da" nya: yuggi zoo: yi mo Era yo' Onan eig yug gi Khanan Mung" moo: shid: ago".)
22 Hid: bang: mo yuggi 76,500 yug nghoid.
23 Ishakha byumyu" kung: mo Tola- Pua-
24 Yashub yo' Shimron da" akung: ako' yi nghoid.
25 Hid: bang: mo yuggi 64,300 yu nghoid.
26 Zebulun byumyu" kung: mo Sered- Elon yo' Yalela da" akung: ako' yi nghoid.
27 Hid: bang: mo yuggi 60,500 yug nghoid.
28 Manashe yo' Ephrim eig yug nya: phoo nghoid da" Yoseb byumyu" kung: joem
29 Manashe byumyu" kung: Manashe da" nya: yuggi zoo: Makura gi Gilead da" nya: phoo nghoid lho: he: vhoo: mo akung: ako' yi da" phoug" phyid" gi Gilead nghoid.
30 Houg bang: gi Ieza- Heleg
31 Asriela- Shekhem
32 Shemida yo' Hepha da" akung: ako' yi nghoid
33 Hepha da" nya: yuggi zoo: Zelophehad gi yuggi zoo: ayoo" nghoid loug we' myiyi: zoo: yi kyeing" yo" wigi nya: tang: ho' da" myeing gi Mala- Noa- Hogla Mikha yo' Tirza bang: nghoid.
34 Hid bang: mo yuggi 52,700 yug nghoid.
35 Ephrim byumyu" kung: mo Shuthela- Bekha yo' Tahan da" akung: ako' yi nghoid.
36 Eran akung: ako' gi Shuthela mo gyoo" loo bang: nghoid.
37 Hid: bang: mo yuggi 32,500 yug nghoid.
Hid: bang: gi Yoseb mo byo gyoo" loo bang: nghoid.
38 Benyamin byumyu" kung: mo Bela- Ashbela- Ahiram-
39 Shephupham yo' Hupham da" akung: ako' yi nghoid.
40 Arda yo' Naman ko' mo mo, gi Bela mo byo: gyoo" loo mo, nghoid.
41 Hid: bang: mo yuggi 43,600 yug nghoid.
42 Dan byumyu" kung: mo Hushim da" akung: ako' nghoid.
43 Hid bang: mo yuggi 64,400 yug nghoid.
44 Ashe byumyu" kung: mo Imna- Ishvi- yo' Beria da" akung: ako' yi nghoid.
45 Hebera yo' Malkhiela akung: ako'' mo mo, gi Beria mo byo: gyoo" loo mo, nghoid.
46 Ashe moo: Sera ga: myheing da" nya: zoo: myiyi: nu" dayug nyid.
47 Hid bang: mo yuggi 53,400 yug nghoid.
48 Naphtali byumyu" kung: mo Yazela- Guni-
49 Yezera yo' Shilem da" akung: ako' yi nghoid.
50 Hid bang: mo yuggi 45,400 yug nghoid.
51 Israela byumyu" yi mo yuggi dangain" gi 601,730 yug nghoid ago".
52 Aseing gi Moshe ri
53 ?Mougmyid ri byumyu" kung: gyi bang: ngi bang: myoo: bang: neing: bang: khyo" cang wigi kho' gam byid: we'.
54-56 Mougmyid: ri me" lab khyo" kho' wigi byumyu" kung: myoo: bang: ri gyi: zi neing: bang: ri nge zi byid: we'? ga: tid.
57 Levi byumyu" kung: moo boo mo, gi Gershon- Kohad- Yo' Merari da" akung: ako' yi nghoid.
58 Nyangnu" da" amyed ashen yi moo Libni- Hebron- Mahli- Mushi yo' Kora ga: da" akung: ako' nu" yi bo da:. Kohad gi Amram da" nya: phoo nghoid.
59 Amram gi Levi da" myiyi: zoo: Egutu moo khu: da" Yokhebed ri lo, xo' yu da:. Nyang: gi Amram ri Arun yo' Moshe ga: da" yuggi zoo: eig yug- Miriam ga: da" myiyi: zoo: dayug ri khu: byid: da:.
60 Arun gi Nadab- Abihu- Eleaza yo' Ithama ga: da" yuggi zoo: myid: yug yo" da:.
61 Nadab yo' Abihu gi Aseing ri agyeungshang: da" myi: ngei" byid: uri shid: loo" bye:.
62 Lhammoo" dakhyab yo' hau: tho' je gyi: da" Levi yuggi yigi 23,000 yug nghoid da:. Nyangnu" ri Israela mung" mo ce: jonu" we' abyid: too" yoomo Israela byumyu" gootu: bang: mo kho' lho: zhayhen" koid: yu ago".
63 He: zhayhen" gi Yerikho mo, Yodan gyid lang thei: shoid Moba jang: pa: moo: Israela byumyu" yiri Moshe yo' Eleaza koid: zi nghoid da:.
64 Hid: moo: Moshe yo' Arun Sina dain" pyoid yoo moo xang shi" lheing: kuid da" byumyu" zhayhen" moo bo da" mo, dayug we' aboo loo: nghoid ago".
65 Aseing gi nyangnu" dangain" mo, siyoo moo: shid: doem: goo" wa ga: tid wigi Yephune da" yuggi zoo: Khaleb yo' Num da" yuggi zoo: Yoshu mo lid wigi dangain" shid: shang boem ago".