8
(Mar 1:40-45: Luk 5:12-16)
1 Akhid" hau: boem tho' mo doem gyoo" loo lang" byu ajoem ayoo nya: thang: moo cang lo boem.
2 Houg: lang" yu" ge'. Manggam: noo dab su: dayug ju" re" wigi Yesu ri re" pid lho: ?Aseing we"- nang nau nghoid rigi ngoo ri he: noo phyoo" mo ge loo" nhang: wa nghoid? ga: re" tid.
3 Nyang: gi lo, tu: lho: nyang: ri tain" wigi ?Ngoo nau- ge gyeing: kyeing loo" we'? ga: tid. Houg: lang" hau: yug da" manggam: noo gi ge lo" byug bye:.
4 Houg: lang" Yesu gi ?He: khyoo: hang" ri we' atid kyoo"- nang thu' lo" lho: re" da" gung khainjung phoo' ri lo toin" shid we' nyangnu" gi nga" da" shid re" sagsi bui" baja"- Moshe tid, to" da" xoin" lo" byid: we'? ga: tid kaid.
(Luk 7:1-10)
5 Akhid" Kapernaum voogung khyoo vang lo" boem ri Roma gyizoug: moo" dayug ju" re" wigi
6 ?Aseing we"- nga" dei dei zooshang: ajoem: shid: noo yo" wigi yhoem: moo za: daleing, jo, gye thau" kyang nho: nyid? ga: re" mho' tid.
7 Aseing gi ?Nyang: ri ge loo" nhang: wa shid re" ngoo ju" re"? ga: tid.
8 Houg: lang" gyizoug: phoo' gi ?Aseing we" nga" yhoem: khoug: moo nang vang ri" wa zigi amoin yi"- re" dang: dakhoin" za: tid, kaid byid: we. Houg: lang" nga" da" zooshang: gi ge loo" wim bye:.
9 Khasu" wim gari ngoo we' zoug: vhoo mo su: nghoid. Nga" vhoo: khyoo: we' gyizoo: yi myoo" sho' nyid shi. Dayug ri loo" we' ein: ri lo"- loo we' ein: lang" gi lo. Nga" deizoo: phoo' ri we' hid: koid: we' ein: ri nyang: koid: nyid? ga: tid.
10 Hau: dang: ri Yesu shau" gyoo: lang" gi nyang: gyo: mau" lho: nya: thang: cang mo, ri ?Nanu" ri ngoo jhug jhug tid ba- Israela amyu" moo lang" houg: yhi' loem" jeing" da" byu gi ngoo amyang yu" shi.
11 Hau: lho: nanu" ri ngoo doem tid da" zigi bidthu bidvang shoid mo byu yi myoo" sho' mo, ju" loo wa nghoid wigi Mougkhung: mungdain: moo we' Abraham Isag Yaku yo" dage" zoo: wa shid re" shau" shoin" zhung: boem wa zi nghoid.
12 Xangshid" mo mougkhung: mungbyu bui" eung: mo, gi nghe: shoid mo mougcoid khoug: khyoo: khaid zei kaid zi shau" boem wa. Hau: jang moo ngougmyeing" sho" thui: yo' zei yang: kyeig ga: ngaid wigi zheung: yau: nyid goo" wa"? ga: tid.
13 Yesu gi hau: gyizoug: phoo' ri we' ?Nang loo" re- nang loem" jeing" ziyo' dakhyoo" ti" nang moo bui" baja"? ga: tid kaid.
Hau: uri nyang- nya: zooshang: gi ge lo" byug bye:.
(Mar 1:2934, Luk 38:41)
14 Hau: thang: ri Yesu gi Petru da" yhoem: moo vang lo" ri Petru da" yug myhi' nooyoem" no jhang" to" zi lo" myang.
15 Nya: da" lo, moo tain" byid: lang" nuyoem" bei: ge lo" wigi nyang: gi Aseing ri zoo: noem to' soin zo".
16 Akhid" yu dab mo, myoo" sho' Aseing jhang moo zheung: shu" re" boem wigi dang: thui: yo' za: hau: yu joem ri zheung: khaid pyam byid. Noophyoo" shau" mo, dangain" bang: ri we' ge loo" nhang kaid.
17 Hau: khyoo: gi ?Nya: gung nyang ngoonu" da" noophyoo" ri yu pyam byid: wigi ngoonu" da" amyen akhyoid da" khyoo: ri voin vu, pyam byid:? ga: Esaia tid to" dang: zung" loo baja: ga: bue" loo bye:.
(Luk 9:57-62)
18 Akhid" Yesu gi nyang: ri lheing khoem to" da" mungbyu yi ri myang lang" gyid thoem: thei tab khyoo gu loo" wa ga: nya: cangzoo: yi ri tid to".
19 Tarha" sara: dayug ju" re" wigi ?Sara: we" nang ju" da" joyoo khang" moo" moo ngoo we' cang loo wa? ga: re" tid.
20 Yesu gi ?Zeigni joem gi khyung: yo" ago"- moug: moo dang: yen" da" ngho' zoo: joem we' soid jo, ago" hau: byu nya: zoo: koem gi vhuloem too" jang: we' ajo,? ga: nyang: ri tid.
21 cangzoo: yi mo dayug we' ?Aseing we" nga" pho' da" mang lo" shung: khoo' wa akhang" shi" byam byid: we'? ga: tid.
22 Yesu gi ?Nga" thang: cang loo we' shid: mo, gi shid: mo, nyang: cang" myhoeb go" nyid baja"? ga: tid.
(Mar 4:35-41, Luk 8:22-25)
23 Aseing gi lhid khoug: khyoo vang loo" bye:. Cangzoo: yi we' Aseing yo" dage" cang lo" boem.
24 Hau: uri gi nyeigdain tung" gyid thoem" tho' moo uglid hau, gyoo" lo wigi beingmhoid gi hau: lhid ri doin mhoug lo" nyid. Nghoid loug Aseing gi yhoeb' pyo: jo.
25 Houg: yoomo Aseing ri yhe: nhau" boem. Nyangnu" gi ?Aseing we"- khyoid yu we' o"- ngoonu" bain joem: lo" nyid boem bye? ga: coem tid boem.
26 Nyang: gi ?Ade: loem" jeing" mo, we" ciwim gyug nyid go" lha"? ga: nyangnu" ri gyi koid houg: lang" nyang: to' lo lho: uglid yo" beingmhoid ri gyi koid. Houg: lang" uglid yo" beingmhoid gi atho' tid loo sho' sam" tam" to".
27 Bo myang mo, gi mau" fo' yoin" to" boem wigi ?He: yug gi cite" byu nghoid lha". Uglid yo" beingmhoid lang" nyang: ri tam" gyo:? ga: tid go" nyid boem.
(Mar 5:1-20, Luk 8:26-39)
28 Akhid" Yodan gyid thei: tab Gadare mung" gyoo: moo ju" lo" ri loeb boug moo re" nyid da" yu dab byu eig yug Aseing ri lhoem: tau yu. Nya: eig yug gi gye akhyeing" zi nghoid wigi hau: moug: khyoo: khyo" hang" we' avoem" lid lo" boem.
29 Nya: eig yug gi ?Mangso da" nya: zoo we"- nga" eig yug nang yo" cisen: lha". Ayo, aju" shi" ri nga" eig yug ri shen" wa ein: nang ju" re" la"? ga: wigi nyho: tid ago".
30 Akhid" nyangnu" yo, gye" ve: da" joyoo moo vu, phung: zheung: boid zo: nyid ago".
31 Yu joem gi nyang: ri mho' yoid mho' sang: lho: ?Nang ngoonu" ri khaid pyam wa nghoid rigi hau: vu, joem moo vang nhang: we'? ga: mho' boem.
32 Aseing gi ?yhe: loo" ge'? ga: nyangnu" ri tid kaid. Thu' lo" lho: hau: vu, joem moo zheung: vang lo" boem wigi vu, joem gi gyid thoem" moo byam vang lo" boem wigi dangain" se" shid: pyam boem.
33 Vu, zung" mo, koem gi hau: voogung moo phang: vang lo" boem lho: bue" lo khyoo: dangain" yo' yu dab su: eig yug khyoo: ri lo" tid kyo".
34 Houg: yoomo davoo goin" mo, Yesu ri tau yu wa ga: zheung: thu' lo boem wigi Yesu yo" shau" goo" lang" nyangnu" nya: voo mo thu' loo" wa shid re" toung" bain nyid boem.