7
(Luk 6:37-38, 41-42)
1 ?Nanu" ri yooboo byid: dang: kho' zi ashau" baja"- subi" ri yooboo byid: dang: kho' zi akoid goo".
2 Khasu" wim gari nanu" nyang: yooboo byid: khyo" cang wigi nanu" ri we' yooboo byid: dang: kho' zi shau" goo" wa. Nanu" nyang: leig byid: kaid da" tang mo nanu" nyang: ri doem leig byid: wa.
3 Nyang: nya: myojid" moo bo da" thang" tung" rigi amyed yu" loo:- re" mang: re" nhung" da" myojid" moo bo da" pheilhoug: ri cikoid yu" nyid, go" lha".
4 Yu" we' re" da" myojid" moo thang" tung" kaid to" lho: ?ahain: shi"- re" da" myojid" mo pheilhoug: yu pyam byid: wa? ga: re" mangnhung" phoo' ri khasu" wim se' tid nyid lha".
5 Akug void to" mo, we"- re" da" myojid" mo thang" tung" ri xangshid" yu pyam we' hau: thang: ri she' re" mangnhung" pho da" myojid" mo myo, vang ri yu pyam byid: we.
6 ?Gyeungshang: da" ziri lakhuid" joem ri abyid: goo". Nanu" da" vhushid ri vu, joem da" shidkhoin" moo ashe: pyam too" goo"- houg: su" anghoid lang" vu, joem gi nang: nhe" pyam wa. Lakhuid" joem gi lo tau" ngaid boem wa.
(Luk 11:9-13)
7 ?Mho' ge'. Houg: lang" nanu" yo" yu goo" wa. Shoo: ge'. Houg: lang" nanu" shau" myang goo" wa. Ko' ge' houg: lang" nanu" shid re" khoem" phang byid: wa.
8 Khasu" wim gari mho' mo, hang" we' yo" yu shoo: mo, we' shau" myang. Ko' nyid mo, ri we khoem" hpang, byid.
9 Nanu" mo hang" nghoid loug we' nya: zoo: gi zooyho' mho' ri lugpyi" byid: wa la".
10 Wimdo, mho' ri lhangmyu byid: wa la".
11 Houg: su" wigi nanu" lang" akhyeing" ashoeb nyid mo, nyang: nya: da" zoo: yi ri ge da" jhungshug se' byid: nghoid rigi hau: tho' re" je ge da" mougkhung: tho' mo nanu" da" nya: phoo' gi nyang: ri mho' mo, ri ge da" jhungshug abyid: wa ein: go" la".
12 ?Subi" nanu" ri pang" thoug byid: wa nanu" vho: nyid ziyo' dakhyoo" ti" subi" ri we' nanu" cang pang" thoug ge'. Hau: da" zigi toung: to" da" tarha" yo' lapi: yi da" dang: gung nyang: nghoid bye:.
(Luk 13:22-24)
13 ?Jhab' da" khoem" duang: khyo" vang loo ge'. Khasu" wim gari joem: lo" jang" moo ju" yhe: da" khoem" duang: gi gye" lam: ziyo' khyoo: we' gye" yhi: lei wigi houg: khyoo vang loo" mo, gye myo: ago".
14 Apyaid' atoo: kangso dei da: khyoo moo ju" da" khoem" duang: yo" khyoo: gi soo" soo" jhab' yoo mo shau" sho: vang loo" mo, atham.
(Luk 6:43-44)
15 ?Nheigloem: ung: khoug: moo gi lang: kyen: phyo' zoo: wa ga: zeigni nheigloem: kaid ci: lho: yang yid void to" mo, nanu" jhang moo ju" loo wa mhau' da" lapi: yi ri jang" pyam ge.
16 Nyangnu" nya: da" ashi" yo' nyangnu" ri si' wa zi nghoid. Zukyin: byab moo zabyid shi"- salau" gam mo shi" myho, shi" yo" phyo' yu" la".
17 Houg: su" wigi yangzain: da" agam moo gi ge da" ashi" zei: jo,. Age da" agam moo gi age da" ashi" zei: jo,.
18 Yangzain: da" agam moo gi age da" shi" zei: wa zi anghoid. Age da" agam gi ge da" shi" zei: wa zi anghoid.
19 Age da" shi" zei: da" agam jo, moojo, rigi thoug lheung: pyam lho: myikhyoem moo du" zei pyam zi shau" nyid ago".
20 Houg: su" wigi nyangnu" nya: da" ashi" yo' nyangnu" nya: da" akhyoo" ri yo" se' da.
(Luk 13:25-27)
21 ?Ngoo ri ?Aseing we"- Aseing we"? ga: mho' mo, dangain"- Mougkhung: mungdain: moo yo" vang loo" wa zi anghoid. Mougkhung: tho' moo nyid da" nga" pho nheigloem: yo" cang su: za: dayo" vang loo" wa.
22 Hau: bidnyid moo ?Aseing we"- Aseing we"- ngoonu" re" da" myeing yo' Mangso mungdang: gye" kho" boem bye:- re" da" myeing yo" yu khaid pyam ziyo' re" da" myeing mo mau" pho" moozoo" ri gye zei: boem bye: anghoid la"? ga: myoo" sho' mo, ngoo ri tid boem wa.
23 Hau: uri ?ngoo nanu" ri khanham we' asi"- atarha" da" moo" zei: mo, we"- nga" jhang mo gang: loo" ge'? ein: wigi ngoo nyangnu" nyang: ri tid wa zi nghoid.
(Luk 6:47-49)
24 ?Hid: nga" da" dang: ri shau" gyo: lho: cang zei: loo" mo, hang" nghoid loug we' nyang nya: da" yhoem: ri lugmoo" boem tho' moo zhug to" da" phajhi" boo su: yo" du nyid.
25 Hau: mougvo lo wigi gyid je: lo ziyo' uglid hau' lo lho: hau: yhoem: ri lo doin: nghoid loug we' lugmoo" boem moo zhug too" yoomo aleing loo.
26 ?Hid: nga" da" dang: ri shau" gyo: lho: wigi acang zei: mo, hang" nghoid loug we' nyang nya: da" yhoem: ri midcoo: dam moo koid: to" da" adu: adam: foin" da" byu yo" du nyid.
27 Hau: mougvo lo wigi gyid je: lo ziyo' uglid hau' lo lho: hau: da" yhoem: ri lo doin: lang" hau: yhoem: gi leung, gyoeb lo"- houg: leung, gyoeb' lo" da" yhoem: gi mhoin nyang: kaid bye? ga: kho" kyo".
28 Akhid" Yesu gi hau: mungdang: joem ri bain kho" kyoo" lang" nya: da" jhoug" myeing" jhoug" thui: ri mungbyu yi gye" gyo: mau" boem.
29 Khasu" wim gari nyangnu" nya: da" tarha" sara: yi yhangti" anghoid. amyeung" akhang" yo' nyangnu" nyang: ri jhoug" byid.