9
(Mar 2:1-1: luk 5:17-26)
1 Lhid moo vang lo" ri nyang: nya: voogung moo ju" lo" boem.
2 Houg: lang" yu" ge'. Gung ajoem shid: da" byu dayug ri nyangnu" gi Yesu jhang moo dangzuang yo' dang go" re. Nyang: gi nyangnu" da" loem jeing" nheigloem: ri myang lang" ?Nga" zoo: we" nheig angi loo: nyid we. Re" yooboo ri khyoid pyam byid: bye:? ga: ajoem: shid: su: ri tid.
3 Houg: yoomo tarha" sara: yi dayham" mo, gi ?he: yug Mangsoo ri shoid da" dang: da tid nyid? ga: nyangnu" nyang cang" tid go" nyid.
4 Yesu gi nyangnu" da" nheigloem: ri si byid: lang" ?Nanu" da" nheigloem: moo ciwim wigi age da" khyoo: ri myed nyid go".
5 Re" yooboo khyoid pyam byid: bye:- houg: su" anghoid lang" gi to so" loo" we' ein: tid wa da" dang: eig khoin" mo kha: khoin" je tid lei la".
6 Nghoid loug hau: byu da" nya: zoo: gi mougmyid tho' mo da" yooboo ri khyoid pyam byid: wa amyeung" akhang" yo" zigi nanu" si goo" baja"- houg: lang" hau: ajoem: shid: su: ri too' we' re" da" yhoeb' yoo deing: vu, lho: nanya: yhoem: khyoo loo" re,? ga: tid.
7 Houg: lang" gi nyang: to lho: nya: yhoem: khyoo loo" khari" bye:.
8 Hau: khyoo: ri myang da" mungbyu yi gi gyug phau" nyid boem wigi xangsu: byu yi ri hid yhang te" da" akhang" byid: da" Mangsoo ri vho: ngei nyid boem.
(Mar 2:13-17: Luk 5:27-32)
9 Yesu gi hau: joyoo mo doem so" lo" ri kheung" khyu: yhoem: moo zhoung: jo, da" Mathe ga: su: ri nyang: shau" myang lang"
?Nga" thang: cang loo we'? ga: nyang: ri tid. Houg: lang" nyang: to' wigi nya: thang: moo cang lo.
10 Hau: thang: ri Mathe da" yhoem: moo voem: zo: wa ga: zhoung: jo, da" uri kheung" khyu: zoo: mo, yo' yooboo dab mo, myoo" sho' Yesu we' nya: cangzoo: yi we' zheung: zhoung: jo.
11 Pharishe yi gi hau: ziri myang lang" ?Nyangnu" gi kheung" khyu: zoo: mo, yooboo yoo" mo, yo" dage" ciwim wigi nanu" da" sara: gi voem: shoin" zo: lha"? ga: wigi nya: cangzoo: yi ri myed: boem.
12 Nyang: gi hau: da" dang: ri shoug" gyoo: ?lang" yoem: boo mo gi moocid" sara: avho: boem. Noo mo, za: date: vho:? ga: tid.
13 ?Houg: su" wigi xoin" ngei" byid: da" khyoo: anghoid- nheigkhyeig khyoo: ri ngoo vho: nyid ga: da" dang: ri se' loo" goo" baja"- re" jhau" yu ge. Khasu" wim gari deingbyeing" mo, ri khi: wa zi anghoid. Yooboo yoo" mo, ri khi: wa ein: ngoo dare"? ga: tid.
(Mar 2:18-22: Luk 5:33-39)
14 Houg: lang" babtisma sara: Yohan da" cangzoo: yi gi Aseing jhang moo ju" re" boem lho: ?Ngoonu" yo' Pharishe yi zoo: noem doem zeung: zeung: dakoid nyid ziri re" cangzoo: yi gi ciwim zoo: noem ajang" go" la"? ga: re" myed.
15 Yesu gi ?phoo' seig gi lo, xo' yab, yo' sen: da" pui" re" byu yi yo" dage" danyid shi" uri nyangnu" nyang: kougshu: zi shau" goo" wa la". Nghoid loug we' phoo' seig ri kang" kaid wa da" bidnyid ju" loo wa. Houg: lang" nyangnu" gi zoo: noem zeung: zi nghoid.
16 ?Byi joid ri byi: seig cu' yo" hang" aphoo:- houg: su" koid: lang" byi: seig cu' gi byi: xoug" ri lang: ceug, lho: je bang" loo" wa zi nghoid.
17 zabyid yeing aseig ri we' zabyid thug xoug" moo hang" akaid, yu"- houg: su" koid: nghoid ri thug boug lo" lho: zabyid yeing, yau shoin: pyam wigi thug we' byo, byug wa. Zabyid aseig ri thug seig moo kaid boem nghoid rigi houg: eig ja: goin" ge jo, wa zi nghoid?.
(Mar 5:21-43: Luk 8:40-56)
18 Aseing Yesu houg: su" ga: da tid nyid shi" uri yu" ge'. Zoug: dayug nya: jhang moo ju" re" wigi ?Aseing ri re" pid lho: nga" myiyi: zoo: so' she: thang lo" nyid bye:. Nghoid loug we' nang re" wigi nya: tho' moo lo, ki" byid: nghoid rigi nyang doem dei loo shi" wa? ga: re" tid.
19 Houg: lang" Yesu to wigi nya: cangzoo: yi yo" dage" hau: yug jhang moo cang yhe: lo".
20 Houg: lang" yu" ge'. Daxe: eig zain suid" shoin: no da" myiyi: dayug Aseing jhang moo jhen" re" lho: nya: byi: mo bain: byug thang: moo re" shau" tain".
21 ?Khasu" wim gari nya: byi: moo khyalhang"- shau" tain" lang" gi ngoo ge loo wa? ga: nya: nheigloem: moo myed loem" to".
22 Yesu lheung: yu" lho: nyang ri myang lang" ?Nga" zoomyi: zoo: we"- nheig ange nyid re" da" loem" jheing" zigi nang ri ze: ge abye:? ga: tid. Hau: ayo, mo wigi hau: myiyi: zoo: ge loo" bye:.
23 Akhid" Yesu hau: zougpho' yhoem: moo ju" yhe: wigi khalhang' moid mo, yo' kougshu: nyid mo, myoo" sho' ri yhe: myang lang.
24 ?Khyoo: shu, kaid ge'. He: zoomyi: zoo: gi shid: jo, zi anghoid- yhoeb' pyo: nyid zi nghoid? ga: tid. Nyangnu" gi Yesu ri gye" juang" yi nyid boem ago".
25 Houg: zheung: foem: too" mo, ri khaid thu' pyam lho: nyang vang lo" wigi zoomyi: zoo: da" lo, moo zei:- houg: lang" hau: zoomyi: zoo: gi doem dei to' lo.
26 Houg: su" wigi hau: Aseing koid: da" lu dang: gi hau: mung" moo fu" nheing loo" bye:.
27 Yesu gi hau: joyoo mo doem so" lo" ri myo, amyang da" byu eig yug nya: jhang moo cang lo lho: ?David da" nya: zoo: we"- nga" eig yug ri nheigkhyeig yu shi" we' o"? ga: yoid tid ago".
28 Hau: yhoem: moo vang lo" ri hau: myo, amyang su: eig yug we' cang vang lo wigi Yesu gi ?Ngoo he: moo" yo" zei: ziri re" eig yug loem" go" la"? ga: nya: eig yug ri myid: yu"- nya: eig yug gi ?loem" bye:-
Aseing we"? ga: phougtu"
29 Houg: su" wigi nya: eig yug da" myojid" moo tain" byid: lho: ?re" eig yug loem" jeing" nyid ziyo' dakhyoo" ti" bue" loo" baja"? ga: tid.
30 Houg: lang" nya: eig yug myo, myang lo. Yesu koem gi ?he: khyoo: hang" we' asi baja" zid" ge'? ga: zau" too" nhang: da:.
31 Nghoid loug we' nya: eig yug gi thu' lo" wigi nya: khyoo: ri mung" goin" jang" moo fu" nheing kaid bye:.
32 Hau: eig yug thu' lo" lho: ri byu dayham" gi yu dab lho: ko" ase' meing su: dayug ri Aseing jhang moo shu" re" boem.
33 Hau: yu ri khaid thu' pyam byid: lang" nhoid jed su: gi dang: se' tid lo. Houg: su" yoomo mungbyu yi gi dajha" mau" lo wigi ?Israela byumyu" moo he: yug te" zi gi khanham we' myang yu?.
34 Pharishe bang: gi ?yu joem da" zoug: ri loem lho: za: nyang: yu joem ri dayo" khaid pyam da:? ga: tid boem.
35 Hau: thang: ri Yesu gi voogung khang" moo" moo cang koem" yen" wigi nyangnu" nya: da" tarha" jung joem moo cang jhau" byid: zoore noophyoo" aja: ja: yo' nooboug: phyooboug: ri cang ze: gi byid:.
36 Hau: da" mungbyu phung: moo" ri nyang: myang lang" nyang: houg: bang: ri nheig yu" myen:- Khasu" wim gari nyangnu" gi yang zung" su: aboo wigi byo lain byug lo" da" yang phung: yhangti"- myidmyoo: ungloug nyid boem ziri nyang: myang.
37 Houg: su" nghoid yoomo nya: cangzoo: yiri nyang tid da" zigi ?Gug shab wa da" joyoo myoo" sho' jo, da" moo" zei: mo, atham: nghoid da" ga: tid.
38 Houg: yoomo hau: gug yhoem: seing: gi nya: gug shab moo" zei: byu nhang: kaid byid: baja"- Akyu" mho' nyid ge? ga: tid.