12
1 Meing: byu yigi coung" nghei jikhoin" khoin" da" ayo, ju" loo wa. Hau: zigi Aseing we" ngoo gi nang ri coung"- nang gi ngoo ri nheig yo da:.
Nghoid loug we' akhid" nang ngoo ri nheig teing byid: wigi nheig ayoo: loo: nghoid da:.
2 Ref 12:2: Thu 15:2; Cng 118:14. Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:.
Aseing gi ngoo ri yoem: so' yo' yoem: boo nhang: da:.
Nyang: gi nga" khyoid yu Aseing nghoid da:.
3 Gyid jham" gi gyid shed yug ri ngei pyoo: nhang: ziyo' dayhang: ti"
Mangso wigi nyangnu" ri khyoid yu da" uri nya: byumyu" yi we' ngei pyo: ago"? ga: jikhoin" khoin" wa.
4 Meing: byu yigi coung" nghei jikhoin" khoin" da" ayo, ju" loo wa. Hau: zigi ?Aseing ri jeju" boin: soo" ge'. Nanu" ri pang" thoug yu wa shid re" nyang: ri khi: we'.
Nyang: koid loo bye: khyoo: byumyu" yiri tid kyoo" ge'.
Nyang: khayhi' gyi: sheung: su: nghoid ziri nyangnu" ri tid kyoo" we'.
5 Gyi: sheung: da" moo" joem koid bye: yoomo Aseing ri jikhoin" khoin" ge'
Lu dang: ri moug: gyab goin" ri shoug" gyoo: nhang: we'.
6 Ziun boem moo nyid da" byu yugkhang" moo" nyho: wigi jikhoin" khoin" we'.
Israela da" gyeung" shang: da" Mangsoo gi gyi: sheung: da" su: nghoid da:.
Houg: lho: nyang: gi nya: byumyu" yi agyoo: moo nyid da? ga: jikhoin" khoin" wa.