13
1 Ref 13:1?14:23: Esa 47:1-15; Jer 50:1?51:64. He: zigi Amoz da" yuggi zoo: Esaia gi Mangso jang" mo kham: yu da" Babelon yo' sen: da" mungdang: nghoid da:.
2 Pyoid pyoid da" bouggung tho moo meing: zain pui dung khoin: ri tu: shab too" ge'. Nghoid boin: da" voomoo" khoem" moo" duang: joem ri khaid zain: wa nyangnu" ri aved byid: da" khyo" gyizoo: yiri zeig nyhoo: nhang: lho: nanu" lo, ri tu: too" ge'.
3 Gyeung" shang: da" gyipui" ri khaid zain: wa yo' nyang: nheig yo: da" bang: ri yooboo dam byid: wa shid re" nya: da" nghoid boin: wigi loem ge" da" gyizoo: yiri Aseing khe: thu kaid abye:.
4 Boem joem atho' mo mung" byu phung: mo" da" thui:- byumyu" yo' mungdain: joem zeing: foem: nyid da" thui: ri tam" gyoo: ge'. Aseing da" gyidab joem gi gyi khaid pui" shid re" nya: gyiphung: ri soin' nyid da:.
5 Nyangnu" gi mougmyid athang: moo jo, da" mungdain: joem mo ju" re" nyid ago". Nya: nheig yo: zigi mungdain: goin" ri phyo' shoin' pyam wa shid re" Aseing ju" re" nyid da:.
6 Ref 13:6: Yoe 1:15. No wigi kyi: ngoug ge'. Yoem moo" yo' phyo' shoin' wa nghoid da" Aseing da bidnyid gi jhang re" nyid bye:.
7 Yugkhang" moo" da" lo, gi gyau: loo" khare" lho: yugkhang" moo" da" yoem: gi gyau: loo" khari" wa.
8 Nyangnu" dangain" gyoug boem wigi zookhu: noo no da" myiyi: yo' dakhyo" no zi shau" boem goo" wa. Nyangnu" nyang: cang" gyoug wigi yu" loo goo" wa. Nyangnu" da" myonhoo: gi sho' ziyo' nge" nyid boem wa.
9 Nya: da" nheig joem: khoo" khoo" yo: ziyo' atho' tid loo sho' nheigloem: yoin da" bidnyid nghoid da" Aseing bidnyid gi ju" loo nyid da:. Mougmyid gi dain" pyoid yoo bue" lo" byug wigi yooboo yo" da" yugkhang" moo" ri said toem" pyam zi shau" wa.
10 Ref 13:10: Eze 32:7; Mat 24:29; Mar 13:24-25; Luk 21:25; Psh 6:12-13; 8:12. Kyi: cab khang" moo" yo' kyi: phung khang" moo" bang zi theing: pyam boem goo" wa. Bid thu ri" loug moug: coid loo" khari" wa. Lhammoo" gi bang loo: wa zi anghoid.
11 Aseing gi ?Mougmyid ri kyi" khyeug zi bue" ri" nhang: wigi akhyeing" da" byu dangain" ri nyangnu" da" yooboo shid re" yooboo dam byid: wa. Nghoid boin: bang: yugkhang" moo" ri ngoo doin: nyhoem: khyo' pyam lho: phoug: mo, yo' anoug akhyoid koid bang: yugkhang" moo" ri yooboo dam byid: wa.
12 Kangso' dei lho: nyid deing gyoo" bang: gi sheing: tho' je neing: loo" khari" wa.
13 Mougkhung: ri ngoo nhoin' kaid wa ziyo' myhang: thang Aseing ngoo gi nga" nheig yo: ziri ci: shu' byid: da" bidnyid moo myidgung gi nya: joyoo moo loeb noin" thu loo wa.
14 Babelon moo nyid boem da" tungbau byu yigi shoo" kuang su: lo, mo phang: sain" loid lo" da" shoocid: joem yo' dakhyoo"- Yang zung" su: abo da" yang joem yo' dakhyoo" nyangnu" mungdain: khyoo: tang" phang: loo" goo" wa.
15 Shau" myheig yu da" yugkhang" moo" gi shamcoin" thau" said pyam zi shau" boem wa.
16 Nyangnu" asho" ajhen: yu" nyid uri nyangnu" da" noug" nu" yigi baid mhoin' said pyam zi shoug" goo" wa. Nyangnu" da" yhoem: joem gi lhoid yu pyam zi shoug" lho: nyangnu" da" yhoem: seing: myhi' yi ri rue" pyam zi shoug" wa? ga: tid.
17 Aseing gi ?Babelon ri gyi zain: wa shid re" Medi ri lhu: zhuang" kaid da:. Nyangnu" gi ngei ri ci: asoin:- sheing: wigi nyangnu" ri ayo" jham" yu" nghoid da:.
18 Nyangnu" da" lid: yo' myoo: joem wigi zoolu: yiri said pyam boem goo" wa. Nyangnu" gi zoonu" yiri nheig khyeug myid aboo goo" wa. Zooshang: nu" yiri nheig akhyeug goo" wa.
19 Ref 13:19: Apm 19:24. Babelon gi mungdain: dangain" tho' yung" thang da" mungdain: nghoid da:. Hau: zigi nya: byumyu" yi da" nghoid boin: wa khyoo: nghoid da:. Nghoid loug we' Sodom yo' Gomora ri ngoo koid lo: bye: ziyo' dayhang: ti" ngoo Aseing gi Babelon ri phyo' sain" pyam wa.
20 Houg moo hang" we adoem nyid loo: wa. So" lam" yen" da" Arab kha: yug we hougmoo: nya: zoem" ri akoid wa. yang zung" bang: hang" dayug we' houg moo nya: yang joem ri coung" azhoo" loo: wa.
21 Ref 13:21: Esa 34:14; Zep 2:14; Psh 18:2. Hau: joyoo gi dain" pyoid yoomo nyid da" gougnyhoug joem nyid joyoo bue" wigi khung" boeb joem gi houg moo nyangnu" da" soid koid goo" wa. Gola-ug ngho' joem gi houg moo nyid re" boem goo" wa. Coidbaid lam" joem gi byo, yoin" jo, da" khyo" thu byam lid loo" goo" wa.
22 Gyipyu, zung joem yo' khokham kho" joem gi khuid" koo" yo' siyoo lakhuid" joem myeing thui: lang: thang: tu" thui: gi yheing: ga: jo, wa. Babelon da" ayo gi ju" abye:. Nya: bidnyid gi thang lo" abye:? ga: tid da:.