9
Yhm deaungpa prichi ai tara chih nai
1 Areng teng i leu pei nai ly hinichi ne.Ref 9:1 Isaia 17:1-3; Jer 49:23-27; Amo 1:3-5Ref 9:1-4 Is 23:1-18; Ezek 26:1—28:26; Joel 3:4-8; Amo 1:9-10; Mt 11:21-22; Lk 10:13-14
Mymy ly Hadara pri hawi Damaska mary y pajeng ai nai leu pei bo. Areng ly Israela nupaichi ai khyh ny y, Suria pri i mary pui ai py peang nai ne.
2 Hadara pri hawi abi nai Hamath pri ai py, kawp keh nai hawi tau awm nai Turu mary hawi Sidon marychi ai py, mymy peang nai ne.
3 Turu mary ly mymy i vui amtangrachi sa iy, muku hawi tangkachi ai spryh jirei nawi pa-rei pakheng achu bo.
4 Na i py Areng ly huni mary i nang chawn nai ngiereichi ai la pi pawn iy, pangli tui y aphi vui ai. Huni mary py mai kang vui ai.
5 Hina nai ai Asakelon mary ly niu iy, jei hyn ai. Kaza mary py niu i, paleung mawn, kaso theu ai. Ekron mary py hunai kamta ne iy, ni i athang khai naichi phra pawn ai. Kaza mary ly samrang kangpreang leu baw ai i, Asakelon mary ly khumi angso savai tlang naimy awm ai. Ref 9:5-7 Is 14:29-31; Jer 47:1-7; Ezek 25:15-17; Joel 3:4-8; Amo 1:6-8; Zep 2:4-7
6 Asadod mary y cheng nai, cheng y nai khumichi awm u ai. Areng my, “Kai ly Philistia chengchi i paleung len nai panem pi vui ai.
7 Nichi ly thi abawi nai mawi py, takhra paka nai teicha teinei py, cha u ai ny y. Dei kamthum khumi ngiereichi ly kai i khumichi theung y abawi ai. Nichi ly Juda cheng theaung, nupai harei kamta lawm u ai. Ekron mary i khumichi ly Jebusi mary i khumichi kamta,note 9:7\xk Jebusi mary i khumichi: Jerusalem mary i awm kangchengchi; Davida my peang nai bo y mymy i khumichi lawm u bo.\x*kai i khumichi theung y abawi u ai.
8 Kai ly kaimy i pri ai mani tavaimichi py, tako prei thai y ai nai kry ai. Samrang hawi y naichi ai py, kai i khumichi ai ana ai nai pei ai ny y. Kai i khumichi patang naira avum nai kaniu bo,” napi.
Mo mang i neng y tym ai nai samrang
9 Zion mary i khumi bawibawichi awi, amo theu u, amo theu u! Ref 9:9 Mt 21:5; Joh 12:15
Nangchi Jerusalem mary i khumichi awi, amo theu naimy aeu u!
Khen u; nangchi i samrang ly nangchi teng y ang jeu bo!
Huni samrang ly eaung naira nga i,
atleu ai nai ang jeu nai ne i py, paleung apanem naimy
keaungngo kano kasau nu i cho, keaungngo kano kasau cho tleaung y, atang naimy ang jeu bo.
10 Areng my,Ref 9:10 Sam 72:8
“Kai ly Israela pri i tavai keaungngo ka-richi paheng pi vui iy
keaungngochi ai Jerusalem mary mang y pahawi ai;
Tavai keung y teaung nai thailihochi ai py, kataphra pawn ai.
Nangchi i samrang ly pri tleireichi hawi, tavai atiu y ai nai sa chum baly,
pangli harei dengdairei, takhra pangli mang py,
Euphrat tavo dengdairei, khaileaung pri katem mang y khrairei py peang ai,” napi.
Areng i khumichi ai palau teang nai
11 Areng my,Ref 9:11 Theu 24:8
“Ati mana nai mo na baly kapathypra tawnbawichi i thi hawi
pajawp typ nai ka-ma-ra nip iy, nangchi hawi asa nai leu maikawm saho y,
kai ly nangchi i chengchi ai atleu ai.
Tui by y nai angawm kathiu napi nai, pri pala naira i nai atleu ai.
12 Nangchi pri pala naira avum nai khumichi awi, vawi u ali teang; athang khai naira awm u bo.
Nangchi ly phrumai by y nai meingtym y vawi u teang.
Nangchi i avum nai ngari kamtang tleaung y amtheaung naira
phy nyhrei nangchi teng y kang pei ai, nanai vai, kaimy kang thui pi bo.
13 Kai ly Juda pri ai tavaimi risa i thailiho kamta py,
Israela pri ai thailiho chynchi kamta py teaung ai.
Krik pri y tiu ai nai
kai ly Zion mary i khumichi ai haisau palawn iy teaung ai,” napi.
14 Areng ly mymy i khumichi awm naira y jeu iy,
thailihochi hawi amlosadi theu nai kamta ko ai.
Kani pri tavai luchi i Areng ly baw eng iy,
tokalawi mang aho nai ali kamchai hawi vanrei, ang jeu ai.
15 Ati cheaungkhang sa thai nai Areng ly mymy i khumichi ai kry ai;
nichi py paleung ka-echi ai eaung ai.
Nichi ly cha nei ala nai khumichi kamta,
tavai keung y aeu naimy paleung ka-echi ai padei u ai.
Huni khumichi i thi ly rahumra i nai maicham salo y
leih nai thi kamta leaung ai.
16 Huni neng kani tym nai khala, beram typ keung ly beram kanghuchi ai
ka-jeira i nai atleu nai kamta, nichi i Areng ly mymy i khumichi ai atleu ai.
Nichi ly areng lukhymra i vang kateng lengseaungchi kamta,
mymy i pri y kangvang sangso angvang ai.
17 Hini pri ly ati mana tanrei apu parai na mo ly!
Thawndeang deaungdichi ly hini pri i theu nai chohpui chomaw hawi kreip hangchi cha nei iy atho awm u ai.