2
1 Kai ly Sharon adym ra prau nai daichi kaseaung pau hawi,
mawi leaunghawira y prau nai jeupawm pau ne.
Neampacho
2 Kai i khrei nai khumi ly neampachychi sala,
aleng reaung y prau nai jeupawm pau hawi atawm nai ne.
Neampachy
3 Kai i khrei keh nai ai takhra neampachochi hawi pata cham baly,
ni ly daichi thengreung theung i dengkeaung keungchi sala y prau nai apple keung hawi atawm.
Kai ly ni i ka-khui anui y anawn ai nai nga;
huni i athai kacha i, tui parai nai ne.
4 Ni ly kai ai mymy i cha nei pawi pui sa nai hall mang y ang pahawi i,
kai ai khrei nai paleung hawi ang khiu cheng bo.
5 Kai ly khrei nai paleung molam y atho bai na bo!
Kai ai kreip athai kajeichi pacho iy atho pei ba.
Apple athaichi pacho iy atho kangtha ngo hai bo.
6 Ni ly mymy i langvawi kiuban tleaung y lu tleang hai iy
lamtang kiu hawi kai ai takawi bo.
7 Jerusalem mary i neampachychi awi,
nangchi ly kaini i akhrei nai paka ai ny y, nanai leu adeu u;
angpreng rang nai sisiu sikhichi ai tau iy vaineng abeu u bo.
Pa-nyh i khulym
Neampachy
8 Kai ly khrei nai keung i raawi thai bo.
Ni ly mawi katheang kalenchi kan iy
kai teng y ang jeu bo.
9 Kai i khrei nai keung ly sakhi hawi mo,
sisiu kataichy hawi mo atawm nai ne.
Ni ly angpang sahawi y angdo.
Naibaly thaibeng pa-khochi mang py,
amhi mawi sala mang py kai ai khen nai ne.
10 Kai i khrei nai keung my kai ai thui nai ly
Neampacho
kai i khrei nai awi, jeu jau ba, kai i khrei nai keung awi,
kai hawi vanrei jeu jau ba.
11 Kaseih neng khei bo i, kani py nai y leang bo;
12 daichi jeungrei y kaseaungchi pau bo.
Hini neng ly tavo pajuchi kheaung nai neng ne i,
li hlauchira y amprym buhu kheaung nai raawi thai.
13 Thaidu athaichi myn amteaung bo;
kreip pauchi py mui amseaung na bo.
Hunai deaungkho y kai i khrei nai awi,
kai hawi vanrei jeu jau ba.
14 Nang ly lengseaung sala y abyh nai
amprym buhu hawi atawm.
Khrei ai hawi parai nai nang i meimai khen kyh rai si;
raawi kahawi tangai kyh rai si.
15 Pauchi amthym mang nai ani i kreip akho y khivachi hawi,
khivachochi my taphra y rai khala y nichi ai patiu ba.
Neampachy
16 Kai i khrei nai ai ly kaimy peang;
kai ai py ni my ang peang teang.
17 Ni ly khawn mang ali theu pryn iy kaveng tama nai neng tym pa-rei,
mymy i beram kanghuchi ai jeupawm reaung y sui tla hai bo.
Kai i khrei nai nang ly sakhi katai kamta py,
Bether mawichinote 2:17 Bethera mawi; ti y baly adyh acho y nai mawi aheungchi thui nai ne.salo i sisiu kataichy kamta py, jeu ali teang ba.