19
1 Huni bo y ly kani pri mang i khumi mipui neangneangchi ly tao pajeng parai nai kamta naimy, “Haleuja! Paheng naira hawi, nang parai naira hawi, sa thai naira py kaichi Tameuh i ne:
2 mymy i tara chih nai ngierei ly teng py teng, hawi py hawi; mymy ly neampchy kamleaung keh nai, ni i angai naira deaungkho y khaileaung pri ai kalu piupa nai keung ai ly tara chih iy, ni i kiu y mymy i miseaungchi i thi kavui y vawitheung tha pi bo,” napi nai kathai.Ref 19.2: Leu 32.43; 2 Ar 9.7
3 Naibaly nichi ly “Haleluja,” nanai pa-nyh thui bi. Naibaly mymy i maikhyh nai ly deungtasarei amhui kalau jojo.Ref 19.3: Is 34.10
4 Naibaly miteaung keh leaung apom phai palyhreichi hawi, heng nai amjy palyhreichi py ambeu u i, “Amen. Haleluja,” na naimy areng atehra tleaung y ateh nai Tameuh ai ly chiu u bo.
Beram cho i apom pawi
5 Naibaly areng atehra theung i dengdairei ly raawi theu i, “Nangchi, mymy i miseaung, mymy ai tahm khai nai katheang kalenchi awi, achi i Tameuh ai palo u,” napi.Ref 19.5: Sam 115.13
6 Naibaly khumi mipui neangneangchi i raawi kamta hawi, tui kamsau katyn kamta hawi, khri pa-rei kani pajyh nai katyn kamta py, “Haleluja! Achi i Areng Tameuh, Atiti py Sa Thai Nai Keung ly peang bo.Ref 19.6: Ezek 1.24; Sam 93.1, 97.1, 99.1
7 Amo theu iy khri pa-rei kawn u sina, mymy ai ly palo u sina; Beram Cho aju la ai nai neng tym bo i, deaung vawi nai my ly angveirym bo:
8 mymy ly kaleung pahathyp nai hawi amchai nai kanih mai ka-syn akhiu ai nai leu nga bo: huni kanih mai ka-syn ly khumi kachaichi i atiti kahawi sa nai ne lawh,” nanai kathai.
9 Naibaly mymy ly, “Beram Cho i apom nai pawi y heang naichi ly taham hawi, nanai tajiu,” ang napi. Naibaly mymy ly kai teng y, “Hunichi ly Tameuh i leu kateng ne,” napi.Ref 19.9: Mt 22.2–3
10 Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.
Keaungngo kangleung atang nai keung
11 Naibaly kani am-eaung iy khen cham, keaungngo kangleung hawi, huni tleaung y atang nai Ka-ym hawi Kateng nanai keung ai ly kaniu ; ni ly teng parai naimy tara chih iy atiu lawh.Ref 19.11: Ezek 1.1; Ps 96.13; Is 11.4
12 Mymy i mei ly mai ka-veaung kamta ne, mymy i lu y ly areng lukhym neangneang awm; naibaly mymy harei khyh ny y baly ami py pany y nai amyn tajiu angchi khai nai ne.Ref 19.12: Dan 10.6
13 Naibaly ni ly thi abawi nai kanih akhiu i, mymy i amyn ly Tameuh i Leu napi.
14 Naibaly kani pri i atiu ai nai kamkawmchi ly kanih mai ka-syn kangleung hawi amchai nai akhiu naimy keaungngo kangleungchi tleaung y atang nai ni teng y abang u bo.
15 Naibaly cheng cheaungkhangchi ai tamo nga hai ai nai, mymy labeaung i dengdairei haisau kachiu theu bo; naibaly mymy ly nichi ai tamo cheaungvawi y peang ai: ni ly Atiti py Sa Thai Nai Tameuh i kado theu nai ka-teng ny y nai kreip athai ati nai angawm y ly ati nai ne.Ref 19.15: Ps 2.9; Is 63.3; Joel 3.13; Amt 14.20
16 Naibaly mymy i kanih hawi phai tleaung y ly, “Samrangchi i Samrang, Arengchi i Areng,” nanai amyn tajiu angchi ne.
17 Naibaly kanito y angdo nai kani pri i amtaw thau nai leaungrei ai kaniu; naibaly ni ly kani laileaung y angkheng nai tavo bawibawichi teng y ly tao pajeng parai naimy,Ref 19.17–18: Ezek 39.17–20
18 “Nangchi ly samrangchi i ngan py, tavaimi luchi i ngan py, khumi kalenchi i ngan py, keaungngo hawi hunichi tleaung y atang naichi i ngan py, khumi bawibawi, miseaung hawi miseaung ny y nai, katheang kalenchi i ngan py cha thai ai nai, Tameuh i pawi nang parai nai sa naira y jeu achu u bawibawi,” nanai aeu bo.
19 Naibaly mawi kasi hawi, khaileaung pri i samrangchi hawi, nichi i atiu ai nai kamkawmchi ly keaungngo tleaung y atang nai ai tiu nai hawi, ni i atiu ai nai kamkawm ai tiu ai nai py akachu u nai kaniu.
20 Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.Ref 19.20: Amt 13.1–18
21 Naibaly kalangchi ai ly keaungngo tleaung y atang nai labeaung i dengdairei theu nai haisau y ly tleh bo; naibaly tavo bawibawichi ly nichi i ngan cha naimy kajeu kawi u bawibawi.