18
Babulon anawi nai
1 Hunai bo y ly kani pri i amtaw thau nai takhra leaungrei aly peang naira len parai nai awm nai ly kani pri mang i dengdairei satla kathiu nai kaniu: naibaly mymy i nang parai nai sai deaungkho y khaileaung pri ai ly angvang hai be bo.
2 Naibaly mymy ly tao pajeng parai naimy, “Babulon avang pui ly anawi veng bo, anawi veng bo; vawinamchi i awm naira hawi phailo chai y nai cheaungkhangchi i awm reng naira hawi, chai y nai hawi amso awm nai tavo cheaungkhang i awm reng naira py lawn bo.Ref 18.2: Is 13.21, 21.9; Jer 50.39, 51.8; Amt 14.8
3 Mymy i angai naira i kado theu naira kreip athai hang deaungkho y cheng cheaungkhangchi ly atlym bo, khaileaung pri i samrangchi py mymy hawi angai iy, khaileaung pri i ka-pai sa nai keungchi ly mymy i tlamsa ala nai sa thai naira deaungkho y nang ra nang ra bo,” nanai aeu bo.Ref 18.3: Is 23.17; Jer 51.7
4 Naibaly kani pri mang i dengdairei raawi takhra my ly, Ref 18.4: Is 48.20; Jer 50.8, 51.6, 45
“Kai i khumichi awi,
nangchi ly mymy i kamngo nairachi hawi
amkawm y ai nai hawi, mymy i tlang tleaung y
tym nai patang hai naira y phy ngo u teang y ai nai py,
mymy teng i dengdairei theu u jau:
5 ati mana nai mo nabaly mymy i kamngo nairachi ly kani pri angteu vi na i, Tameuh my ni i atiti hawi y sa naichi ly pany pi be bo.Ref 18.5: AA 18.20–21; Jer 51.9
6 Huni i chih nai kamta khyp my chih u teang, mymy i atiti sa nai kamta ly phy nyhrei heung u ly:mymy i atiti katlen yb nai khau y ly mymy i vui y phy nyhrei katlen hai u.Ref 18.6: Sam 137.8; Jer 50.29
7 Mymy ly huna tanrei apalo nai hawi tlamsa ala nai kamta ly, huna tanrei no patang naira hawi paleung mawn naira py vawitheung tha teang ai nai tla; ati mana nai mo nabaly mymy ly paleung y ly, ‘Kai ly samrang nu y ka-teh nai ne, kai neampachy lumai ny y leang, kai ly paleung mawn naira tlen py kaniu ai ny y,’ nanai thui bo.Ref 18.7–8: Is 47.7–9
8 Hunai deaungkho y kanirei y ly mymy ai patang hai nairachi, dei naira hawi, paleung mawn naira hawi, takang theu nai py tym bawibawi ai:naibaly mymy ai ly mai y kang hai bebe ai; ati mana nai mo nabaly ni ai tara chih pi pawn nai Areng Tameuh my ly ham parai nai ne.
9 “Naibaly mymy hawi angai iy tlamsa ala nai khaileaung pri i samrangchi ly mymy ai kang nai maikhyh angdeang u nai thym khala ly,Ref 18.9–10: Ezek 26.16–17
10 Babulon avang pui, avang khaw parai nai ly taham si! taham si! Tanarei sala chy y nang i tlang tleaung y tara chih naira ang tym bo,’ nanai mymy i no patang nai sai jei nai deaungkho y kamlora y angdo naimy mymy i tlang tleaung y vo naimy paleung atum u ai.
11 “Naibaly khaileaung pri i ka-pai sa nai keungchi ly ami my py nichi i vawnsai van pi y nai deaungkho y mymy i tlang tleaung y vo naimy paleung mawn u bo;Ref 18.11: Ezek 27.31, 36
12 huni vawnsaichi ly muku py, tangka py, amia py, khawisaleng lengseaung py, kanih kamsenjeaung py, po kanih py, kanih mai ka-syn py, kanih kamsen ta py, dengkeaung mui kahawi amjy cheaungkhangchi py, kasai nu teaung iy sa nai amjy cheaungkhangchi py, dengkeaung vang ka-teng teaung iy sa nai amjy cheaungkhangchi py, kheupaja py, tamo py, leungtau phei py, seikreangpo py,Ref 18.12–13: Ezek 27.12, 13, 22
13 amomon py, mui kahawi amjychi py, rimui kahawi py, kathan py, kreip athai hang py, asi tui py, tako deidym py, cho py, si py, beram py, keaungngo py, ka-ri py, miseaung py, khumichi i heng naira py ne.
14 Nang i paleung ngai phi nai athaichi ly ang leh pi pawn i, atiti kalum kathau hawi apu parai tlai nai amjy bawibawichi ly ang tama hai vui bo; ami py hunichi ai niu ali ai ny y.
15 Huni atiti ka-pai sa nai keungchi, mymy deaungkho y nang naira nga naichi ly, ‘Huni avang pui, kanih mai ka-syn hawi, kanih kamsen jeaung hawi, kanih kamsen ta akhiu naimy, muku hawi amia hawi, khawisaleng lengseaung y py amthyp nai ly taham si! taham si!Ref 18.15: Ezek 27.31, 36
16 Tanarei sala chy y huna tanrei nang naira ly ati sai py ny y nai palawn na ly,’ nanai vo nai hawi paleung mawn nai py mymy i no patang nai sai jei nai deaungkho y kamlo ra y angdo u ai.
17 Naibaly pangli paleaung keung ngiereichi hawi, pangli paleaung mang y chei reng nai ngiereichi hawi, pangli paleaung y kalop sa naichi hawi, pangli mang y teicha teinei hau nai ngiereichi ly kamlora y angdo naimy, huni i kang nai maikhyh angdeang u nai thym khala ly,Ref 18.15: Ezek 27.31, 36
18 ‘Huni avang pui tanrei nai ly mani avang my pha ai mo?’ nanai aeu u bo.Ref 18.18: Ezek 27.32
19 Naibaly nichi ly lu y spryh athi iy vo nai hawi paleung mawn naimy, ‘Huni avang pui ly taham si! taham si! Hunira y ly pangli paleaung keung ngiereichi ly huni i nang naira deaungkho y nang ra nang ra veng bo! Tanarei sala chy y huni ly ati sai py ny y nai palawn na ly,’ nanai aeu u bo.Ref 18.19: Ezek 27.30–34
20 Aw! Kani pri hawi,khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.Ref 18.20: Leu 32.43; Jer 51.48
21 Naibaly kani pri i amtaw thau nai ham parai nai my ly choh nip naira lengseaung kalen pui ka-tawm lengseaung la iy, pangli y aphi vui bo i, “Babulon avang pui ly huna nai kamta ty nanai ly aphi vui nai ne ai i, ami py tlen py niu ali ai ny y leang bo.Ref 18.21: Jer 51.63–64; Ezek 26.21
22 Naibaly taro beu nai keungchi hawi, atiti beu kakawpchi hawi, byhlyh eng naichi hawi, baw eng naichi i katyn py nang teng y tlen py thai bi ai ny y; naibaly atiti kawp nai amjy ngierei y kawp naichi py nang teng y tlen py niu bi ai ny y;Ref 18.22: Ezek 26.13; Is 24.8Ref 18.22–23: Jer 7.34, 25.10
23 Maisi kangvang py nang teng y tlen py angvang bi ai ny y; aju palyn nai keung hawi deaung vawi nai anglo i raawi py nang teng y tlen py thai bi ai ny y : nang i ka-pai sa nai keungchi ly khaileaung pri i khumi kalenchi ne lawh; nang i atam nai deaungkho y py cheng cheaungkhangchi ai tapawp nai bo.
24 Naibaly mymy teng y amochi hawi khumi kachaichi hawi, khaileaung pri y padei nai bawibawichi i thi ly niu u bo,” napi.Ref 18.24: Jer 51.49