PA-NYH I
NENG SATANG
1
Samrang Solomon ly cheng naira hnei takeng nai
(1 Areng 3:1-15)
1 Samrang Davida i chapo Solomon ly Israela pri y khaw parai naimy peang i, ni i Areng Tameuh my ni ai amtheaung naira pei nai deaungkho y, ni ly khri pa-rei sa thai naira awm bo.
2 Samrang Solomon ly khumi leaung sangrei kamkawm, leaung chungvairei kamkawmchi ai lu sa ai nai tavailu arengchi, miteaung kehchi, yhm dengtheung luchi hawi khumi mipuichi teng y,
3 mymy hawi vanrei Kibeon mary i chiu sa nai meingtym y chei u ai nai leu pei bo. Huni meingtym y chei u nai aly ly daichi ka-vym theung y Areng i miseaung Mosi my sa pi yb nai, Areng i awmra Tabynako meingtym ne nai deaungkho y ne.
4 (Na i py Leu Maikawm Pawm ly Jerusalem mary y awm. Huni Pawm ai samrang Davida ly Kiria Jarim mary i dengdairei la iy, mymy i sa nai taichyra y khai nai ne.)Ref 1.4: 2 Sam 6:1-17; 1 Neng 13:5-14, 15:25—16:1
5 Kibeon mary y awm nai Areng i awmra taichy mo y, Hura nupai theung i Uri i chapo Bezalela my sa nai kheupaja maicham py awm. Huni meingtym y samrang Solomon hawi khumi mipui bawibawichi ly Areng ai chiu u nai ne.Ref 1.5: Theu 38:1-7
6 Samrang ly apathyp ai nai tawnbawi sangrei tleh iy, bom verei leng patlum nai kapathypra palawn nai, Areng i awmra Taichy mo y kheupaja maicham salo y talam bo.
7 Huni vum Tameuh ly Solomon teng y amteng i, ni teng y, “Nang ai ati kang pei ai nai ngai mo?,” nanai deng.
8 Solomon my, “Nang ly kai i ampo Davida teng y tamen naira len parai nai amteng pi jojo iy, vai kai ai py ni meingtym y samrang lawm hai bo.
9 Aw Areng Tameuh, nang ly kai i ampo teng y leu adeu nai ly khaw hai. Nang ly kai ai kati leila y na pa-rei nawi nai hini khumichi i samrang lawm hai bo.Ref 1:9: AA 13:16, 28:14
10 Hunai deaungkho y huni khumichi ai peang ai nai cheng naira hawi pany thai naira pei kyh ba. Ti y baly kai ly hina tanrei nawi nai nang i khumichi ai ati mana peang pajau ai mo?,” nanai pathang.
11 Tameuh my Solomon teng y, “Nang i hnei nai ly teng parai. Nang ly yhmtheaung katui nang ai nai hawi amyn amthang ai nai py, paleung ka-echi ai padei pajau ai nai py hnei y naimy, nang ai kang pei nai khumi mipuichi ai peang pajau ai nai cheng naira hawi pany thai naira hnei bo. Hunai deaungkho y nang ai cheng naira hawi pany thai naira kang pei mang.
12 Huni bo y jangni y py, vai mo mang y py samrang leaungrei py ngo y nai yhmtheaung katuichi hawi amyn amthang nai py kang pei bi ai,” napi.
Samrang Solomon i sa thai naira hawi yhmtheaung katui
(1 Areng 10:26-29)
13 Hunai deaungkho y Solomon ly Areng i taichy awm nai Kibeon mary chiu sa naira dengdairei theu iy, Jerusalem mary y vawi bo.
14 Naibaly ni ly tavai ka-ri 1,400 rei hawi tavai keaungngo 12,000 rei awm nai tavaimi kamkawm sa iy, phyreichi ai Jerusalem mary y, phyreichi ai ly takhra marychira y khai nai ne.Ref 1.14: 1 Areng 4:26
15 Ni i peang nai deung y Jerusalem mary y muku hawi tangka ly lengseaung kamta, saitleang keung ly Juda mawi kheutang ra y prau nai thaidu keung kamta nawi nai ne.
16 Samrang i ka-paichi ly Musari prinote 1:16\xk Musari: Hebrai leu y Aikupta pri. \x* hawi Kilikia prinote 1:16\xk Kilikia pri: vaidym khawn Turiki pri nisi tokalawi mang y awm. \x* ra i keaungngochi,
17 Aikupta pri i tavai ka-richi pakun y ai nai paka bo. Hiti samrang hawi Suria samrangchi ly tavai ka-ri harei y tangka chang 600 rei, keaungngo amairei y tangka chang 150 rei hawi jo u nai ne.