9
Langheng hawi naira i vawi ali teang naichi
1 Israela mipui bawibawichi ai yhm dengtheungchi ka-thui vuikanai la nai ly Israela samrangchi i cha-iu theung y tajiu pi typ bo.
Juda mipuichi ly mymychi i kamngo molam, Babulon pri mang y pri pala nai avum u nai ne.
2 Mymychi amsi pajochi i saleaung khuteng ra y tym angchei nai khumichi theung y, Israela cheng amlawn naichi, pathyp pi nai keungchi, Levi theaungchi hawi Achura yhm y kalop sa nai khumichi abawi nai ne.Ref 9.2-3: Ezra 2:27; Neh 7:73
3 Juda, Benjamin, Ephraim hawi Manase theaungchi ly Jerusalem mary y awm u bo.
4-6 Juda theaung ra i yhm dengtheung leaung 690 reichi ly Jerusalem mary y awm u bo.
Juda i chapo Perez i kangpreangchi ai lu sa nai ly Uthai ne. Ni ly Amihud i chapo, Omari i katu ne. Ni i takhra amsi pajochi ly Imari hawi Bani ne.
Juda i chapo Shela i kangpreangchi ai lu sa nai keung ly Asaiah ne. Ni ly mymy yhm dengtheung i lu ne.
Juda i chapo Zerah i kangpreangchi ai lu sa nai keung ly Joela ne.
7-8 Jerusalem mary y awm nai Benjamin theaung i khumichi ly
Hasenua i chapo Hodaviah, Hodaviah i chapo Meshulam, Meshulam i chapo Salu,
Jeroham i chapo Ibania,
Uzi i chapo, Mikhari i katu Ela,
Ibania i chapo Joela, Joela i chapo Shephatiahchi ne.
9 Hini theaung theung i huni mary y awm nai yhm dengtheungchi ly leaung 956 rei awm. Salo mang i pany hai nai khumi bawibawichi ly yhm dengtheung luchi ne.
Jerusalem mary y awm nai pathyp pi nai keungchi
10-12 Anui mang i pathyp pi nai keungchi ly Jerusalem mary y awm u nai ne.
Jedaiah, Jehojari hawi Jakhin,
Meshulam, Zadok, Meraioth, Ahitubchi i kangpreang Hilkia i chapo Azariah (Achura yhm kry nai miteaung keh),
Pashhur, Malakhijachi i kangpreang Jeroham i chapo Adaia,
Jazera, Meshulam, Meshilemi hawi Imarachi i kangpreang Adiela i chapo Masaichi ne.
13 Yhm dengtheungchi i lu napi nai pathyp pi nai keung bawibawichi ly leaung 1,760 rei awm nai ne. Nichi ly Achura yhm y sa nai kalop ngiereichi ra y khri pa-rei kawp parai nai khumichi ne.
Jerusalem mary y awm nai Levi theaungchi
14-16 Anui mang i Levi theaungchi ly Jerusalem mary y awm u nai ne.
Merari nupai theung i Azarikam hawi Hashabiah i kangpreang Hashu i chapo Shemaiah
Bakabeka, Heresh hawi Kalala
Asap hawi Zikhri nini i kangpreang Mikha i chapo Mattniah
Kalala hawi Jeduthun nini i kangpreang Shemaiah i chapo Obadia
Elakana katu Asap i chapo Berakhi, Elakana ly Netopha mary ka-peang theung i khumi ne.
Jerusalem mary y awm nai Achura yhm tamcheaung risachi
17 Jerusalem mary y awm nai Achura yhm tamcheaung risachi ly Shalum, Akub, Talamon hawi Ahimanchi ne. Shalum ly nichi i lu ne.
18 Nichi ly vaichi khala Levi tai ra y typ nai tamcheaungchi ne. Nisi pa-kho samrang i katheu typ u bo.
19 Areng i Tabynako ai amsi pajochi my kry nai kamta, Ebiasap i katu, Kore i chapo Shalum ly my i cheng theaungchi napi nai Korah i nupaichi hawi vanrei, Areng i Tai pa-kho typ u nai ne.
20 Eleaza i chapo Phineha ly vaichi khala, huni khumichi ai lu sa nai ne. Areng ly ni hawi vanrei awm.
21 Meshelemia i chapo Zekhariah py, Areng i Tai katheu pa-kho tym nai ne.
22 Kun nai pa-kho hawi katheu pa-khochi ai typ ai nai vawi takhra nai khumichi ly leaung 212 rei awm. Huni khumichi ly mymychi i awm nai avangchi ra y amyn kup nai ne. Nichi i amsi pajochi ai hina nai kalopchi pei nai keung ly samrang Davida hawi amo Samuela ne.
23 Huni tamcheaung risachi hawi amsi pajochi ly Achura yhm katheu pa-khochi typ nai kalop sa u jojo.
24 Achura yhm i nidym nisi, tosyh tokalawi, meingtym palyhrei katheu pa-khochi awm. Huni katheu pa-kho tleirei y tamcheaung lu leaung leaungrei awm.
25 Huni katheu pa-kho tamcheaung luchi ai avangchi ra y awm nai amjo amnauchi my, kani saryhrei y tlenrei ka-li tamcheaung typ ai nai sabawm pi ai nai tla.
26 Katheu pa-kho tamcheaung lu leaung palyhreichi ly Levi theaung ne i, kalop hawihai palai sa ai nai tla. Achura yhm theung i takunchi hawi, hunira khai nai vawnsaichi ai py kry ai nai tla.
27 Nichi i kalopchi ly Achura yhm typ ai nai hawi katheu pa-khochi ai khawn tleirei paeaung pi ai nai deaungkho y, Achura yhm sahawi y awm u ai tla nai ne.
Takhra Levi theaungchi
28 Phyrei Levi theaungchi ly chiu sa naira y teaung nai khauchi kry nai ne. Huni khauchi teaung nai tleirei, kati khyp iy patheu pi i, kati khyp iy talam teang nai ne.
29 Phyreichi ly ateaung alang kachaichi, tako dei, kreip hang, olive asitui, kathan hawi mui katuichi kry ai nai tla.
30 Na i py mui katuichi katlen nai kalop ly pathyp pi nai keungchi i kalop ne.
31 Korah theaung ra i Shalum i chapo Matithia napi nai Levi theaung khumi ly takochi mai hawi paawp nai katalamrachi sa.
32 Kohath nupaichi theung y abawi nai khumichi ly Anawn kani tleirei, Achura yhm i vui khai takhra nai tako sa iy angveirym ai nai tla.
33 Levi yhm dengtheung phyreichi ly Achura yhm y katyn kapauchi beu u nai ne. Nichi i yhm dengtheung luchi ly vum, kanithun sa ai nai aly ngai nai deaungkho y, Achura yhm takun phyreichi ra y awm u i, takhra kalopchi sa ai nai ngo y nai ne.
34 Salo mang i pany hai nai cheng theaungchi ly mymychi amsi pajo kangpreang charangra y, Levi yhm dengtheung luchi ne. Nichi ly Jerusalem mary y awm nai miteaung kehchi ne.
Samrang Sawla i kangpreangchi hawi katu chanauchi
(8:29-38)
35 Jehela ly Kibeon mary palum iy huni mary y khuteng sa bo. Ni i aju ly Maaka.
36 Ni i chapo chalu ly Abadon ne. Ni i takhra chapochi ly Zura, Kisha, Bala, Nera, Nadab,
37 Kedo, Ahio, Zekhariah hawi Mikalochi ne.
38 Mikalo i chapo ly Shimeah. Nichi i kangpreangchi ly mymychi i theaung takhra yhm dengtheungchi hawi vanrei, Jerusalem mary y awm u bo.
39 Nera i chapo ly Kisha, Kisha i chapo ly Sawla ne. Sawla ly Jonathan, Melkhishua, Abinada hawi Eshabalanote 9:39\xk Eshabala: 2 Samuela 2:8 ra y Ishaboshe. \x*napi nai chapo leaung palyhrei awm.
40 Jonathan i chapo ly Meriba, Meribanote 9:40\xk Meriba: 2 Samuela 4:4 ra y Mephibosheth. \x* i chapo ly Mikha.
41 Mikha ly Pithon, Meleh, Tarea hawi Aha napi nai chapo leaung palyhrei awm.
42 Aha i chapo ly Jarah. Jarah ly Alamet, Azamaveth hawi Zimari napi nai chapo leaung thomrei awm. Zimari i chapo ly Moza,
43 Moza i chapo ly Binea, Binea i chapo ly Rephaia. Rephaia i chapo ly Eleasah, Eleasah i chapo ly Azela ne.
44 Azela ly Azarikam, Bocheru, Ismaela, Sheriah, Obadia hawi Hanan napi nai chapo leaung tariurei awm nai ne.