8
Benjamin i kangpreangchi
1 Benjamin ly Bela, Ashabela, Ahara,
2 Nohah hawi Rapha napi nai kalen katheang ka-thui chapo leaung pangrei awm.
3 Bela i chapochi ly Ada, Kera, Abihu,
4 Abishua, Naaman, Ahoah,
5 Kera, Shephuphan hawi Huramchi ne.
6-7 Ehu i chapochi ly Neman, Ahijah hawi Kerachi ne. Nichi ly Keba mary y awm nai yhm dengtheungchi i luchi ne. Na i py huni mary i dengdairei patheu vui nai khala nichi ly Manaha mary mang y awm u. Huni mang y ang pyn nai khala Uz hawi Ahihud nini i ampo ly nichi ai lu sa nai ne.
8-9 Shaharaim ly my i aju Hushim hawi Bara nini ai akhai vui nai bo y Moba pri y awm nai khala, Hodesha hawi yhmtheaung sa i, Jobab, Zibia, Mesha, Malakam,
10 Jeuza, Sakhia hawi Mirama napi nai chapo leaung saryh nga. Ni i chapo bawibawichi ly nichi ai lu sa nai ne.
11 Ni ly vaichi khala i aju Hushim hawi py Abitu hawi Elapala napi nai chapo leaung nyhrei nga.
12 Elapala ly Eba, Misham, hawi Shemed napi nai chapo leaung thomrei awm. Ono mary, Loda mary hawi, tengpang sahawi i avangchi ai palum nai keung ly Shamed ne.
Kath mary hawi Aijalon mary i Benjamin theaungchi
13 Beria hawi Shem nini ly Aijalon mary y khuteng pala nai khumichi i luchi ne i, kath mary i khumichi ai patheu naichi ne.
14 Beria i kangpreangchi ly Ahio, Shashak, Jerimoth,
15 Zebadiah, Arad, Eda,
16 Mikhaela, Ishapa hawi Johachi ne.
Jerusalem mary i Benjamin theaungchi
17 Elapala i chapochi theung y Zebadiah, Meshulam, Hizaki, Heba,
18 Ishamerai, Izalia hawi Jobabchi ne.
19 Shimei i kangpreangchi ly Jakim, Zikhri, Zabdi,
20 Elienai, Zilethai, Eliel,
21 Adaiah, Beraia hawi Shimrachi ne.
22 Shashak i kangpreangchi theung y Ishapan, Eba, Eliel,
23 Abadon, Zikhri, Hanan,
24 ananiah, Elam, Anthothija,
25 Iphadia hawi Penuelchi abawi nai ne.
26 Jeroham i kangpreangchi theung y Shamsherai, Sheharia, Athalia,
27 Jareshia, Elija hawi Zikhrichi abawi nai ne.
28 Hini khumichi ly amsi pajochi dengdairei, yhm dengtheungchi ai lu sa iy nichi i kangpreangchi ly Jerusalem mary y awm u nai ne.
Kibeon mary hawi Jerusalem mary i Benjamin theaungchi
29 Jeiela ly Kibeon mary palum iy, huni mary y khuteng sa u bo. Ni i aju amyn ly Maaka ne.
30 Ni i chapo chalu ly Abadon ne. Takhra chapochi ly Zura, Kisha, Bala, Nera, Nadab.
31 Kedo, Ahio, Zekhar hawi
32 Mikalochi ne. Mikalo i chapo ly Shimea ne. Nichi i kangpreangchi ly mymychi i amjo amnau, takhra nupaichi sahawi Jerusalem mary y awm u nai ne.
Samrang Sawla i yhm dengtheungchi
33 Nera i chapo ly Kisha, Kisha i chapo ly Sawla ne. Sawla ly Jonathan, Melkhishua, Abinada hawi Ishabala napi nai chapo leaung palyhrei awm.
34 Jonathan i chapo ly Meribala ne i, Meribala i chapo ly Mikha ne.
35 Mikha ly Pithon, Meleh, Tarea, hawi Aha napi nai chapo leaung palyhrei awm.
36 Aha i chapo ly Jehojada ne. Jehojada ly Alemet, Azamaveth hawi Zimari napi nai chapo leaung thomrei awm. Zimari i chapo ly Moza,
37 Moza i chapo ly Bina, Bina i chapo ly Rapha ne. Rapha i chapo ly Eleasa, Eleasa i chapo ly Azela ne.
38 Azela ly Azarikam, Bocheru, Ismaela, Sheriah, Obadia hawi Hanan napi nai chapo leaung tariurei awm.
39 Azela i amnau Eshe ly Ulam, Jehu hawi Eliphelet napi nai chapo leaung thomrei awm.
40 Ulam i chapochi ly atiu kawp keh nai risachi hawi thailiho teaung kawp naichi ne. Ni i katu chanauchi leaung 150 rei awm. Salo mang i khumi bawibawichi ly Benjamin theaungchi ne.