7
Isakhar i kangpreangchi
1 Isakhar ly Tola, Puah, Jashu hawi Shimiron napi nai chapo leaung palyhrei awm.
2 Tola ly Uzi, Rephaia, Jeriela, Jamai, Ibasam hawi Shemuel napi nai chapo leaung tariurei awm. Hunichi ly Tola nupaichi i luchi, amyn amthang nai risachi ne. Nichi i kangpreang khumichi ly samrang Davida deung y leaung 22,600 rei awm.
3 Uzi ly Izarahia napi nai chapo leaungrei awm. Izarahia hawi nichi i chapochi napi nai Mikhala, Obadia, Joela hawi Isashiachi ly yhm dengtheungchi ai lu sa naichi ne.
4 Nichi ly aju neangneang la nai deaungkho y, nichi i kangpreang theung i tavai keung y kalop sa ai nai khumi leaung 36,000 rei nga nai ne.
5 Pri peang nai keungchi i record ra y Isakhar theaung theung i, yhm dengtheung bawibawi ra y tavai kalop thau pajau nai khumi leaung 87,000 rei awm nai ne.
Benjamin hawi Dan i kangpreangchi
6 Benjamin ly Bela, Bekha hawi Jediaela napi nai chapo leaung thomrei awm.
7 Bela ly Ezabon, Uzi, Uziela, Jerimoth hawi Iri napi nai chapo leaung pangrei awm. Nichi ly mymychi nupaichi theung y yhm dengtheung luchi, amyn amthang nai risachi ne. Nichi i kangpreangchi theung y tavai keung y kalop sa pajau nai khumi leaung 22,034 rei awm.
8 Bekha ly Zemirah, Josha, Eliaza, Elioenai, Omari, Jeremoth, Abija, Anatho hawi Alemet napi nai chapo leaung takawrei awm.
9 Pri peang nai keungchi i record ra y, nichi i kangpreangchi ly yhm dengtheung tleirei tavai keung y kalop sa pajau nai khumi leaung 20,200 rei awm nai ne.
10 Jediaela ly Bilahan napi nai chapo leaungrei awm. Bilahan ly Jusha, Benjamin, Ehu, Khenanah, Zethan, Tarshish hawi Ahishaha napi nai chapo leaung saryhrei awm.
11 Nichi bawibawi ly mymychi nupaichi theung y yhm dengtheung i luchi, amyn amthang nai risachi ne. Nichi i kangpreangchi theung y tavai keung y kalop sa pajau nai khumi leaung 17,000 rei awm.
12 Shupim hawi Hupim nini py, hini theaung theung y abawi nai ne.
Dan ly Hushim napi nai chapo leaungrei awm.
Naphtali i kangpreangchi
13 Naphtali ly Jaziela, Kuni, Jeza hawi Shalum napi nai chapo leaung palyhrei awm. (Nichi ly Bilaha i kangpreangchi ne.)
Manase i kangpreangchi
14 Manase ly Arami neampachy aju katheang hawi nga nai chapo leaung nyhrei, Asariela hawi Makhira ne. Makhira i chapo ly Kilead ne.
15 Makhira ly Hupim hawi Shupim nini i vui aju hau pi. Ni i tuicho ly Maaka ne. Makhira i pa-nyh chapo ly Zelophehad ne i, ni ly chaniuchi naini awm khyh.
16 Makhira i aju Maaka ly chapo leaung nyhrei tapen; nini ai Perez hawi Sheresh, nanai amyn pathi. Perez ly Ulam hawi Rakem napi nai chapo leaung nyhrei awm.
17 Ulam ly Bedan napi nai chapo leaungrei awm. Hini khumichi ly Makhira i chapo, Manase i katu Kilead i kangpreangchi ne.
18 Kilead i tuicho Hamoleke ly Ishoda, Abiza hawi Mahlah napi nai chapo leaung thomrei awm.
19 (Shemida ly Ahian, Shekhem, Likhi hawi Aniam napi nai chapo leaung thomrei awm nai ne.)
Ephraim i kangpreangchi
20 Ampo hawi chapo amynchi ka-thui Ephraim i kangpreangchi ly Ephraim, Shuthela, Bered, Tahath, Elead, Tahath,
21 Zabad, Shuthelachi ne. Ephraim ly Eza hawi Elead napi nai chapo leaung nyhrei awm rai. Nichi ai ly kath mary khumichi i sichi paviu ai nai atho sa nai molam y padei vui nai ne.
22 Ampo Ephraim ly chapo leaung nyhrei i vui y kani neangneang vo tangam nai deaungkho y, ni i amjo amnauchi my ni ai paleung pahawi u bo.
23 Naibaly ni ly my i aju hawi i ahawi bi i, aju ly deaungdi aniu iy chapo tapen bo. Nini ly my ni i yhm dengtheungra y patang naira avum nai molam y, huni chapo ai Beria, nanai amyn pathi nai ne.
24 Ephraim ly Sherah napi nai chaniu leaungrei awm. Huni neampachy ly tleng Bethoron mary, akui Bethoron mary hawi Uzen Sherah marychi ai palum nai khumi ne.
25 Ephraim ly Rephah napi nai chapo leaungrei awm. Ni i kangpreangchi ly Reshep, Telah, Tahan,
26 Ladan, Amihud, Elishama,
27 Nun, Joshuachi ne.
28 Nichi my peang vui iy khuteng sa u nai khu nisi mang y na baly Naran mary ryrei, Huni mary hawi Bethela mary sahawi i marychi, nidym mang y na baly Keza mary ryrei, huni mary sahawi i marychi abawi. Shekhem mary, Ajah mary hawi huni mary sahawi i marychi py abawi nai ne.
29 Manase i kangpreangchi ly Betshan, Taanah, Mekido, Dora marychi hawi huni marychi sahawi i marychi ai peang u bo.
Hini marychi ly Jakob i chapo Josepha i kangpreangchi awm nai meingtym ne.
Asha i kangpreangchi
30 Asha i kangpreangchi ly anui mang ichi ne. Asha ly Imanah, Isavah, Isavi hawi Beria napi nai chapo leaung palyhrei hawi, Serah napi nai chaniu leaungrei awm.
31 Beria ly Heba hawi Malkhiela napi nai chapo leaung nyhrei awm. (Malkhiela ly Birizai mary ai palum nai khumi ne.)
32 Heba ly Japhalet, Shoma hawi Hotham napi nai chapo leaung thomrei hawi, Shua napi nai chaniu leaungrei py awm.
33 Japhalet ly Pasach, Bimhal hawi Ashava napi nai chapo leaung thomrei awm.
34 Japhalet i amnau Shoma ly Roka, Jehuba hawi Aram napi nai chapo leaung thomrei awm.
35 Ni i amnau kasawi Hotham ly Zopha, Imanah, Shelesh hawi Amala napi nai chapo leaung palyhrei awm.
36 Zopha i kangpreangchi ly Suah, Hanepha, Shual, Beri, Imara,
37 Beza, Hoda, Shama, Itharan hawi Berachi ne.
38 Jetha i kangpreangchi ly jephonneh, Pispa hawi Arachi ne.
39 Ula i kangpreangchi ly Arah, Haniela hawi Riziachi ne.
40 Hini khumi bawibawichi ly Asha i kangpreangchi ne. Nichi ly yhm dengtheung luchi, amyn amthang nai risachi, kawp keh nai luchi ne. Nichi ly tavai keung y kalop sa ai hawi nai khumi leaung 26,000 rei awm nai ne.