6
Pathyp pi nai keung kalen kehchi i dengtheungchi
1 Levi ly Kerashon, kohath hawi Merari napi nai chapo leaung thomrei awm.
2 Kohath ly Amaram, Izaha, Hebron hawi Uziela napi nai chapo leaung palyhrei awm.
3 Amaram ly Aron hawi Mosi napi nai chapo leaung nyhrei hawi Miriam napi nai chaniu leaungrei py awm.
Aron ly Nadab, Abihu, Eliaza hawi Ithama napi nai chapo leaung palyhrei awm.
4 Ampo dengdai chapochi ka-thui Eliaza i kangpreangchi ly Phineha, Abishua,
5 Buki, Uzi,
6 Zerahiah, Meraioth,
7 Amariah, Ahitub,
8 Zadok, Ahima,
9 Azariah, Johanan,
10 Azariah (Samrang Solomon i Jerusalem mary y Achura yhm sa naira y kalop sa nai keung),
11 Amariah, Ahitub,
12 Zadok, Shalum,
13 Hilkia, Azariah,
14 Seraiah, Jehozadachi ne.
15 Areng ly samrang Nebukhadnezar ai teaung iy, Juda pri khumichi hawi Jerusalem mary i khumichi ai pri pala nai khala, Jehozada py abawi nai ne.
Levi i takhra kangpreangchi
16 Levi ly Kerashon, Kohath hawi Merari napi nai chapo leaung thomrei awm.Ref 6.16-19: Theu 6:16-19
17 Nichi leaung thomreichi py chapo nga u. Kerashon i chapo ly Libani hawi Shimei ne.
18 Kohath i chapochi ly Amaram, Izaha, Hebron hawi Uzielachi ne.
19 Merari i chapo ly Mahli hawi Mushi ne.
20 Ampo hawi chapo amynchi ka-thui Kerashon i kangpreangchi ly Kerashon, Libani, Jahath, Zimmah,
21 Joah, Iddo, Zerah,Jatheraichi ne.
22 Ampo hawi chapo amyn ka-thui Kohath i kangpreangchi ly Kohath, Aminada, Korah, Asira,
23 Elakana, Ebiasap, Asira,
24 Tahath, Uriel, Uzia, Shaulachi ne.
25 Elakana ly Amasai hawi Ahimoth napi nai chapo leaung nyhrei awm.
26 Ampo hawi chapo amynchi ka-thui Ahimoth i kangpreangchi ly Ahimoth, Elakana, Zophai, Nahath,
27 Eliaba, Jeroham, Elakanachi ne.
28 Samuela ly Joela hawi Abija napi nai chapo leaung nyhrei awm.
29 Ampo hawi chapo amyn ka-thui Merari i kangpreangchi ly Merari, Mahli, Libni, Shimei, Uzah,
30 Shimea, Hakaia, Asaiahchi ne.
Achura yhm katyn kapau beu kawp naichi
31 Leu Maikawm Pawm ai Jerusalem mary i chiu sa nai meingtym ra y kasyh nai bo y, samrang Davida ly hini khumichi ai Achura yhm theung y katyn kapau beu ai nai kalopchi pei nai ne.
32 Nichi ly samrang Solomon my Achura yhm so y rai khala y, Areng i awm nai Taichy ra y ka-thui ka-thui kalop amsi u.
33 Hini kalop ra y abawi nai khumichi i dengtheungchi ly anui mang ichi ne.
Kohath nupaira i Joela i chapo Heman ly angchei i khulym kamkawm ai lu sa nai ne. Heman, Joela, Samuela,
34 Elakana, Jeroham, Eliel, Toah,
35 Zuph, Elakana, Mahath, Amasai,
36 Elakana, Joela, Azariah, Zephaniah,
37 Tahath, Asiri, Ebiasap, Korah,
38 Izaha, Kohath, Levi, Jakobchi ne.
39 Pa-nyh i khulym kamkawm lu sa nai keung ly Asap ne. Ni i dengtheung kangpreangchi ai patawm baly Levi teng y tem nai ne. Hunichi ly Asap, Berekhia, Shimea,
40 Mikhala, Baseja, Malakhia,
41 Ethani, Zerah, Adaiah,
42 Ethan, Zimmah, Shimei,
43 Jahath, Kerashon, Levi ne.
44 Merari nupai theung i Etham ly pa-thom i khulym kamkawm ra lu sa nai keung ne. Ni i dengtheung kangpreangchi ai patawm baly Levi teng tem nai ne. hunichi ly: Ethan, Kisha, Abadi, Mallu,
45 Hashabiah, Amazia, Hilikia,
46 Amazi, Bani, Shemer,
47 Mahli, Mushi, Merari, Levi ne.
48 Huni khumichi i amjo amnau takhra Levi theaungchi ly chiu sa nai meingtym ra y takhra kalopchi sa u nai ne.
Aron i kangpreangchi
49 Aron hawi ni i kangpreangchi ly mui katuichi leng patlum nai hawi, maicham salo y leng patlum nai kapathyprachi talam u nai ne. Nichi ly chai keh nai meingtymra y chiu sa nai ngierei py, Israela chengchi i kamngo lawira nga ai nai apathyp nairachi py sa u. Huna nai sa naira y nichi ly Tameuh i miseaung Mosi my leu pei nai kamta, sa patawm u ai nai tla.
50 Aron i kangpreangchi vuikanai ly Aron, Eleaza, Phineha, Abishua,
51 Buki, Uzi, Zerahiah,
52 Meraioth, Amariah, Ahitub,
53 Zadok, Ahima ne.
Levi theaungchi i awm nai meingtym
54 Kohath i nupai Aron i kangpreangchi ai phy pi nai khu ka-peangchi ne. Nichi ly Levi theaungchi ai pei pi nai khu ka-peang theung y, angchei i phy nga naichi ne.
55 Juda khu theung i Hebron mary hawi tengpang sahawi i acha prangchi raurei abawi.
56 Huni mary hawi li hlauchi, avangchi ly Jephonneh i chapo kaleb my nga.
57-59 Aron i kangpreangchi teng y phy pi nai marychi ly kamngo lawira nga ai nai abyh nai Hebron mary, Jatir mary, Libana mary, Esatemo mary, Hilen mary, Debira mary, Ashan mary, Beth Sheme marychi, huni marychi hawi amtawn nai acha prangchi py abawi nai ne.
60 Nichi ly Benjamin khu theung i Keba, Alemet, Anatho marychi hawi amtawn nai acha prangchi py nga u bo. Hunai kamta nichi i yhm dengtheung bawibawichi awm ai nai mary holai thomrei nga u.
61 Kohath nupaichi theung i awm rai nai khumichi ly nidym mang Manase khu theung i mary horei ai, yhm dengtheungchi i vui tambe va iy phy u bo.
62 Kerashon nupaichi ly Isakhar khu, Asha khu, Naphtali khu, Bashan pri nisi khuchi theung i, mary holai thomrei ai yhm dengtheungchi i vui tambe va iy phy u.
63 Huna nai kamta Merari nupaichi ly Ruben khu, Kad khu hawi Zebulun khu theung i mary holai nyhrei ai yhm dengtheungchi i vui tambe va iy phy u nai ne.
64 Huna nai kamta Israela khumichi py Levi theaungchi awm ai nai marychi ai, huni sahawi i acha prangchi raurei, phy paji pi.
65 (Salo mang i Juda khu, Simeon khu, Benjamin khuchi theung i marychi ai py, tambe va iy phy amji u bo.)
66 Kohath nupaichi theung i phyrei yhm dengtheungchi ly Ephraim khu theung i khaileaung meingtym nga u.
67 Huni marychi ly Ephraim mawi saleungchi ra y awm i, kamngo lawira nga ai nai abyh nai Shekhem mary, Keza mary,
68 Jokamen mary, Bethoron mary,
69 Aijalon mary hawi Katharimon marychi ne.
70 Huni khumichi ly nidym mang Manase khu theung i Aner mary, Bilem mary hawi hunichi sahawi i khaileaung meingtymchi py nga u nai ne.
71 Kerashon nupaichi theung i yhm dengtheungchi ly
nisi manase khu, Bashan pri i Kolan mary, Ashataro mary hawi, hunichi sahawi i khaileaung meingtymchi py,
72 Isakhar khu theung i Kedesh mary, Dabera mary,
73 Ramoth mary, Anem mary hawi huni marychi sahawi i khaileaung meingtymchi py,
74 Asha khu theung i Mishal mary, Abadon mary,
75 Hukkok mary, Rehob mary hawi, huni marychi sahawi i khaileaung meingtymchi py,
76 Naphtali khu theung i Kalili pri i Kedesh mary, Hammon mary, Kiriathaim mary hawi, huni marychi sahawi i khaileaung meingtymchi py nga u nai ne.
77 Merari nupaichi theung i awm rai nai yhm dengtheungchi ly
Zebulun khu theung i Rimmono mary, Tabor mary hawi, huni marychi sahawi i khaileaung meingtymchi ai py,
78 Ruben khu theung i Jeriko mary kamlem Jordan tavo nisi vai, Jaza mawi aheung ra i Beza mary,
79 Kedemoth mary, Mepha mary hawi, huni marychi sahawi i khaileaung meingtymchi ai py,
80 Kad khu theung i Kilead pri Ramoth mary, Mahanaim mary,
81 Hesabon mary, Jaza mary hawi, huni marychi sahawi i khaileaung meingtymchi ai py nga u nai ne.