SAM 95
Palo nai khulym
1 Jeu u, Areng ai palo u sina!
Achi i abyh naira Tameuh i nang parai nai ai
amo theu parai naimy khulym thui u sina!
2 Kawn nai leu thui naimy mymy i mo y chei u sina;
amo theu parai naimy palo nai khulymchi thui u sina.
3 Areng ly nang parai nai Tameuh ne;
tameuhchi bawibawi tleaung y nang parai keh nai samrang ne.
4 Mymy ly khaileaung thiu parai nairachi dengdairei,
asang keh nai mawichi khrairei, khaileaung pri verei y peang nai ne.
5 Mymy ly mymy i sa nai pangli ai py,
mymy kiu hawi palum nai khaileaung ai py peang nai ne.
6 Jeu u, mymy ai lu meung iy chiu u sina;
achi ai sa nai keung Areng i mo y, kheukhu di u sina!
7 Mymy ly achi i Tameuh ne;Ref 95.7-8: Heb 3.15, 4.7Ref 95.7-11: Heb 3.7-11
achi ly mymy i kry nai khumichi,
mymy pacho panei nai beram kanghuchi ne.
Mymy i leu pei nai ai, vaini tangai u sina:
8 Mymy ly “Meriba meingtym y tym nai nangchi i amsi pajochi kamta,Ref 95.8-9: Theu 17.1-7; Kati 20.2-13
nangchi ly paleung tang u moh; daichi ka-vymra i Massah meingtym y
tym nai amsi pajochi kamta, paleung tang u moh.
9 Nichi ly mychi i vui kai i sa pi naichi niu u teu i py,
huni meingtym y kai ai cham u lawh.
10 Kai ly saneng vui palyh khrairei, nichi i tlang tleaung y kado theu hai bo;
‘nichi ly khri pa-rei vaineng takan naichi ne u lawh!
Kai i Reita leu pei naichi py tangai ai nai akhi naichi ne u lawh ly!’ nanai kathui bo.
11 Kai ly nangchi ai kado theu hai nai deaungkho y,Ref 95.11: Kati 14.20-23; Leu 1.34-36, 12.9-10; Heb 4.3-5
“Nangchi ly paleung savairu naimy awm nai pri y
mana khala py kun ai nai ngo u y ai,” nanai vaineng ka-beu kheih bo.