SAM 93
Tameuh ly samrang ne
1 Areng ly samrang ne.
Mymy ly nang parai nai phum-ang amthyp iy, sa thai naira khobai akawm bo.
Mymy ly khaileaung khaw hai iy,
huni ly amchyh lei y nai ne.
2 Aw Areng, nang i areng atehra ly
angchei khala i dengdairei khaw parai nai ne;
nang ly ati sai py by y rai khala my awm yb bo.
3 Aw Areng, suida pangli ly aeu nai katyn amsau na bo;
suida pangli tui sampyh katyn ly amsau na bo.
4 Areng ly suida pangli amsau nai katyn tleaung y py,
pangli tui sampyhchi tleaung y py, sa thai naira len iy,
aly peang nai hawimy kani pri mang y awm nai ne.
5 Aw Areng, nang i reita leu pei naichi ly khaw jojo;
nang i Achura yhm py
deungtasarei kachai ne.