SAM 91
Achi ai ama hai nai Tameuh
1 Areng teng y abyh ai nai ahihawi nai khumi py,
ati cheaungkhang sa thai nai keung i ama hai nai anui y awm nai khumi py,
2 Mymy teng y,
“Nang ly kai ai ama hai nai hawi kai i abyhra lengseaung yhm ne;
nang ly kai i Tameuh ne i, kai ly nang ai ym nai ne,” nanai thui pajau ai.
3 Mymy ly niu pajau y nai ka-jeirachi i nai py,
dei hai thai nai no-nachira i nai py, nang ai tleaung hai ai.
4 Mymy ly my i pakhi hawimy, nang ai ang khiu ai;
nang ly mymy i kry nai saho y chymme naimy awm ai;
mymy i ka-ym awm naimy ly nang ai ama hai naira khupui lawm ai.
5 Nang ly vum y avum reng nai ka-jeirachi ai py,
kanithun y tym miu reng nai khrukhra nairachi ai py,
6 kaveng theung y amki reng nai no michi ai py,
kanithun khala y dei hai thai nai ka-jeirachi ai py, jei hyn ai ny y.
7 Nang i sahawi y khumi leaung sangrei,
nang i tengpang y khumi leaung meaungkateaungrei dei teu i py,
nang ly no patang ai ny y.
8 Khumi aso y naichi ai ati mana pajeng mo, nanai
nang ly niu takengkei ai.
9 Areng ly nang ai ama hai nai keung ne, nanai py,
tahm asang keh nai keung ly nang i abyhra ne, nanai py nang pany ai i,
10 nang ly ka-jeira avum ai ny y, nang i yhm sahawi y py,
patang naira ati sai py tym ai ny y.
11 Nang i chei naira tleirei y ang kry ai naiRef 91.11: Mt 4.6; Lk 4.10
Tameuh ly mymy i kani pri amtaw thauchi teng y leu pei ai.
12 Nichi ly nang i kheu y lengseaung my thip y ai naiRef 91.12: Mt 4.6; Lk 4.11
mychi i kiu hawi nang ai angdawn khawn ai.
13 Nang ly khrangsichi hawi pavuichi,Ref 91.13: Lk 10.19
ka-jei awm nai khrangsichi hawi pavui kangsochi ai py, chiu piupa vui ai.
14 Tameuh my, “Kai ai tamen nai khumichi ai kaimy atleu ai;
kai ai Areng ne, nanai pany nai khumichi ai ly kaimy ama hai ai.
15 Nichi my kai ai palau nai khala y, kai ly pathang pi ai;
nichi patang naira avum nai khala y, kai ly nichi hawi vanrei awm ai;
kai ly nichi ai atleu iy tahm pasang ai.
16 Kai ly nichi ai heng sau hai iy atleu ai,”
nanai leu pei bo.