SAM 82
Samrang bawibawichi i Tameuhnote Hebrai cha lu Asaph i thui nai Sam.
1 Tameuh ly kani pri mang y sa nai council meetingra i chairman ne;
mymy i tameuhchi meetingra y tara chih pi nai ly
2 “Nangchi adyh adawi y ai nai ly tara chih u moh;
khumi hawi y naichi ai meimai khen iy tara chih u reng moh.
3 Khumi kamawnchi hawi nurochochi i nga ai avo nai mang y ama hai ai nai tla;
kamawn katichi hawi jeaungmang nai khumichi i vui
leu meitang tara chih pi ai nai tla.
4 Nichi ai khumi hawi naichi kiu i nai atleu pi ai nai tla.
5 “Nangchi ly cheng naira by y! Khri pa-rei akhum na ly!
Nangchi ly meitang khyp, jawi tamang u bo;
leu meitang adyh adawi nai sai ly khaileaung pri i nai tama veng bo.
6 ‘Nangchi ly tameuhchi ne,’ nanai hawi,Ref 82.6: Jh 10.34
tahm asang parai nai keung i chanauchi ne,’ nanai py kaimy kang thui pi bo.
7 Na i py nangchi ly khumichi kamta dei u ai;
samrang i chapochi kamta, tlang vui tem u teang ai.
8 Aw Tameuh, jeu ly khaileaung pri ai peang ba;
khumi cheng cheaungkhangchi ai nang ly peang nai ne.