SAM 81
Pawi i vui khulymnote Hebrai cha lu Asaph i thui nai.
1 Achi ai ama hai nai keung napi nai Tameuh ai amo theu parai naimy palo u;
Jakob i Tameuh ai palo nai khulym thui pi u.
2 Katyn kapau beu amteaung u;Ref 81.3: Kati 10.10
taro katheang kalenchi tyn kahawi beu u.
3 Losi kani hawi lo-um kaniRef 81.3: Kati 10.10
pawi sa ai nai molam baw eng u.
4 Hina nai pawi sa ai nai Israela chengchi teng y reita awm;
Jakob i Tameuh my pei nai leu py ne.
5 Mymy ly Aikupta pri y tiu nai thym khala, huni leu ai
Israela chengchi teng y pei pi bo;
kai pany vai y nai katyn thai.
6 Huni katyn ly “Nangchi paleang tleaung i myn kaji ly kaimy kang la pi vui iy,
nangchi i iukhi pho nai tumchi py amteih hai ai.
7 Nangchi patang naira avum nai thym khala yRef 81.7: Theu 17.7; Kati 20.13
kai ai palau i, kai ly nangchi ai atleu pi bo.
Alipui khupui theung i niu pajau y naira dengdairei, nangchi ai kang pathang pi bo.
Meriba micheaung sahawi y, nangchi ai kaimy cham bo.
8 Kai i khumichi awi, kai i pany hai nai ly tangai u cham;
Israela chengchi awi, nangchi ly kai i leu tangai u!
9 Nangchi ly tameuh takhra ai mana khala py chiu u moh.Ref 81.9-10: Theu 20.2-3; Tara 5.6-7
10 Kai ly nangchi ai Aikupta pri i dengdairei kang pahawi nai
nangchi i Areng Tameuh ne.
Nangchi i labeaung ang u; kaimy kang pacho ai.
11 “Na i py kai i khumichi ly kai i leu tangai u y;
Israela chengchi ly kai i leu pei nai tangai u y.
12 Hunai deaungkho y kai ly nichi i paleung kyh chawn nai ly
kyh chawn u jojo ai nai hawi, mychi i ngai nai kamta sa u ai nai py kapei pi nai ne.
13 Kai i khumichi ai kai i leu tangai ai nai kangai hai;
kai i leu pei naichi sa patawm ai nai kangai hai!
14 Hunaibaly kai ly nichi i paleung ka-echi ai sum hai kaliki ai;
nichi i paleung ka-e bawibawichi ai eaung vui ai.
15 Kai ai niu ngai y nai khumichi ly kai i mo y jei kaji naimy, lu meung u ai;
nichi ly deungtasarei pajeng naira avum u ai.
16 Na i py kai ly nangchi ai hawi keh nai chohpui chamawchi kang pacho iy,
daichi khawihang nei hai ai,” napi.