SAM 8
Tameuh i nang parai nai hawi khumi i tahm awm nainote Hebrai cha lu: Davida i thui nai Sam.
1 Aw kaichi i Areng Tameuh,
nang i tahm asang nai sai ly khaileaung pri verei y niu pajau!
Nang ai palo nai khulym raawi ly kani pri mang y khrairei tym na bo.
2 Huni khulym ai ly deaungdichi hawi deaungdi chymplei naichi my thui u.Ref 8.2: Mt 21.16
Mymy ly paleung ka-echi kiu i nai lawira nga bo.
Mymy ai ka-jo hau naichi ai paka nai ne.
3 Mymy i sa nai kani khusang ai py, sa yb nai
lo hawi ka-si taukichi ai py kai ly kaniu nai ne.
4 Huna nai y khumi ly ati mana nai lawm iy,
nang ly ni ai pany pi jo nai mo?Ref 8.4: Job 7.17-18; Sam 144.3; Heb 2.6-8
Khumi ly ati mana nai lawm iy, nang ly ni ai kry pi lawh mo?
5 Ni ai kani pri amtaw thauchi tleaung y anem hai iy,
ni ai sa thai naira hawi nang parai naira py pei pi nai ne.
6 Nang ly nangmy sa nai ati cheaungkhangchi aiRef 8.6: 1 Kor 15.27; Eph 1.22; Heb 2.8
peang ai nai pei pi bo.
7 Nangmy i sa nai si, beram, daichi mawichi,
8 tavo, ngo hawi pangli theung y awm nai
cheaungkhangchi ai py, peang ai nai pei bo.
9 Aw kaichi i Areng Tameuh,
nang i tahm asang nai saichi ly khaileaung pri verei y niu pajau nai ne.