SAM 54
Paleung ka-echi teng i ama hai ai nai chiu sa nainote Hebrai cha lu Zipha i khumichi my Sawla teng chei iy, achi i khu theung y Davida aheu, nanai amti pi chum khala, Davida i thui nai khulym leu ne.
1 Aw Tameuh, nang i sa thai naira hawi kai ai atleu ba;
kai ai nang i atho hawi lawi hai kyh ba.
2 Aw Tameuh, kai i chiu sa nai ai kano patheung pi kyh ba;
kai i hnei takeng nai leu ai tangai pi kyh ba!
3 Paleung len amlyh nai khumichi ly kai ai tiu ai nai ang jeu u bo;
Tameuh ai tahm khai y iy, pahyp y naimy ana nai khumichi ly
kai ai padei ai nai atho sa u bo.
4 Na i py Tameuh ly kai ai sabawm nai keung ne;
kai mang y asa iy ama hai nai keung ne.
5 Kai i paleung ka-echi i hawi y nai sai ly
nichi ai pajeng ali teang ai nai Tameuh my so pi sy.
Mymy ly ka-ym awm nai deaungkho y, nichi ai tamyh pawn ai.
6 Aw Areng, kai ly nang teng y amo theu parai naimy amthyp ai;
nang ly hawi nai deaungkho y,
kai ly kawn naimy palo ai.
7 Nang ly kai ai ngari kamtangchira i nai atleu pi bo;
kai ly paleung ka-echi sum nai kaniu bo.