SAM 53
Khumichi i aso y nai sainote Hebrai cha lu Davida i thui nai khulym leu.
(Sam 14)
1 Khumi ka-khumchi my,Ref 53.1-3: Rom 3.10-12
“Tameuh by y,” nanai dawn iy
athang khai u.
Nichi bawibawi ly jawi tamang u iy, amso ngai naichi sa u;
kateng sa nai khumi leaungrei py by y.
2 Tameuh ly khumi kachengchi, mymy ai chiu nai khumichi
awm mo, by y mo, nanai pany pajau ai nai
kani pri mang dengdairei khumichi ai khen nai ne.
3 Na i py khumichi ly mymy ai nithun thun u be bo;
nichi bawibawi py, hawi y sa ai nai adyh u.
Nichi theung y kateng sa nai khumi by y;
leaungrei py by y nai ne.
4 Tameuh my, “Nichi ly pany pacha y nai khumichi lawh a?
Hini khumi hawi y naichi ly pany thai naira by y naichi lawh a?
Nichi ly kai i khumichi teng i lawm iy, heng u naichi ne.
Kai teng y py chiu so u y,” nanai leu pei bo.
5 Na i py Tameuh ly mymy i khumichi i paleung ka-echi i
hiuchi ai ahei hai pawn ai i,
nichi ly tlenrei py avum vai y nai
ka-jeirachi hawi khri pa-rei jei hyn u ai.
Tameuh ly nichi ai khai su bo i, Israela chengchi ly pajau u vui ai.
6 Israela chengchi ai atleu nai pahenra ly
Zion mawi dengdairei theu hai ai nai,
kai ly paleung apei parai naimy chiu kasa bo.
Tameuh ly Israela chengchi ai nang chawn hai ali teang nai khala,
nichi ly khri pa-rei amo theu u ai.