SAM 43
Pri pala naira avum nai khumi leaungrei i chiu sa nai
(Sam 42 rei i kamtawm)
1 Aw Tameuh, Kai teng y kamngo by y, nanai amthang hai kyh ba.
Tameuh ai pany y nai khumichi ai ka-awi sa iy,
kai mang y amo hai kyh ba.
Tapawp nai hawi khumi hawi y naichi kiu i nai kai ai atleu kyh ba.
2 Nang ly kai ai ama hai iy kry nai keung ne;
ati mana nai y kai ai khai su lawh mo?
Kai ly ati mana nai y paleung ka-echi i
pahyp y naimy ana nai avum veangveang lawh mo?
3 Nang i kangvang hawi leu meitang pato iy,
kai ai nang i Zion mawi kachai mang py,
nang i awm nai Achura yhm mang py,
pahawi ali teang kyh ba.
4 Huna nai khala y aw Tameuh,
kai ly nang i maicham mang y ahihawi ai.
Kai ly nang teng i amo theu naira kanga nai ne.
Aw Tameuh, kai i Tameuh, nang ai taro beu naimy kang palo ai.
5 Kai ly ati mana nai y hina tanrei paleung atho di ai mo?
Ati mana nai y paleung bi, paleung mawn mo?
Kai ly Tameuh ai athang khai ai;
kai ai atleu keung,
kai i Tameuh ai kapalo bi ai.