SAM 32
Kamngo apany nai hawi kamngo pahen nainote Hebrai cha lu: Davida i thui nai Sam.
1 Amy i kamngochi lawira nga iy, sa tamang naichi molam y,Ref 32.1-2: Rom 4.7-8
law tleaung naira nga nai khumi ly taham hawi.
2 Hawi y sa nai khumi, nanai Areng my neng hai nai avum y naimy
tapawp paryp nai ngiereira y abawi y nai khumi ly taham hawi.
3 Kai ly kaimy i kamngochi ai apany hai y, ahui y naimy awm nai khala y,
kani khengrei kavo nai deaungkho y, atho khei bo.
4 Aw Areng, nang ly kai ai vum kanithun kamngo pajeng bo.
Kanipui kabi saho y am-i nai ly phui rawm vui nai kamta,
kai i atho py khei be veng bo.
5 Huna nai khala y kai ly kaimy i kamngochi ai, nangmy teng y pany hai bo.
Kai i sa tamang naichi ai nang teng y apha y leang bo.
Hunichi ai nang teng y ahui ai nai, kai i paleung y dawn yb veng bo.
Nang ly kai i sa tamang nai ngiereichi, kamngo palawi pi bo.
6 Hunai deaungkho y nang ai ka-ym awm nai khumichi ly aly aeang nai khala,
nang teng y chiu sa hnei takeng ai nai avo nai ne.
Khrikhri pa-rei ho nai tui ly nichi teng y tym ai ny y.
7 Nang ly kai i abyh naira ne.
Kai ai patangra i nai atleu kyh ba.
Nang ly kai ai ama hai nai deaungkho y,
kai ly nang i atleu pi nai satang
tao pajeng parai naimy khulym kathui ai.
8 Areng my, “Kai ly nang i tako ai avo nai lam kang patei pi ai.
Nang ai tau kang pei iy kang kry ai.
9 Nang ly pakaura hawi pakaura vuinawn hawi kry nai keaungngo,
ti y baly keaungngo kaneaung kasau kamta,
10 Khumi hawi y naichi ly patangra avum u ai.
Na i py Areng ai ym nai khumichi ly
khaw parai nai tamen naira hawimy, ama hai naira avum ai.
11 Aw khumi kahawi bawibawichi awi,
Areng i sa pi nai molam y amo theu u.
Mymy i leu tangai nai khumi bawibawichi awi, amo theu nai aeu u!