SAM 3
Kasabawmra nga ai nai khawn mang chiu sa nainote Hebrai cha lu: Davida ly chapo Abasalom teng i dengdairei preang nai khala thui nai sam ne.
1 Aw Areng, kai teng y paleung ka-echi khri pa-rei nawi parai;
kai ai tiu naichi nawi parai!
2 Nichi my thui nai ly
“Tameuh ly kaichi ai sabawm ai ny y leang,” nanai thui u.
3 Na i py aw Areng, nang ly khupui kamta ka-jeira i nai kai ai ama hai jojo;
nang ly kai ai eaung naira pei iy
sorai paleung angym hai teang bo.
4 Kai ly Areng teng y kasabawmra nga ai nai aeu naimy hnei nai khala
mymy ly mawi kachai mang dengdairei, kai i chiu sa nai raawi pathang pi.
5 Areng ly kai ai vum torei kry nai deaungkho y,
aseaung naimy i-nem ai nai nga bo.
6 Kai i sahawi y ang taki nai paleung ka-e
sang neangneang nawi naichi ai kai ly jei y leang.
7 Aw Areng! jeu kyh ba; kai i Tameuh! kai ai atleu kyh ba.
Mymy ly kai i paleung ka-echi i ta-beng y tabeang iy
nichi i ho py patleu pi vui bo.
8 Areng ly eaung naira pei pajau nai keung ne;
mymy i khumichi tlang tleaung y amtheaung naira tym hai sy,