SAM 4
Kasabawmra nga ai nai dym mang chiu sa nai note Hebrai cha lu: Davida i thui nai Sam.
1 Aw Tameuh, kai ai ama hai nai keung!
kai i palau nai khala y pathang pi kyh ba.
Kai patang nai thym khala y sabawm ba.
Vai py kai ai pahen iy kai i chiu sa nai tangai pi kyh ba.
2 Khumichi awi, nangchi ly kai ai mana tanrei mei angai u y ai mo?
Nangchi ly ati sai py ny y nai ai manatanrei ngai u iy,
teng y nai mang y abang u ai a?
3 Areng ly mymy i vui molam y khumi kahawi ai vawi takhra nai ly pany u ba.
Kai palau nai khala y mymy ly tangai pi bo.
4 Nangchi ly jei hyn naimy kamngo so y ai nai amkyn u;Ref 4.4: Eph 4.26
nangchi ly ira salo y nangmychi tlairei dawn amcheng iy,
hini ai ka-dawn thiu parai naimy dawn patyp u.
5 Areng teng y avo nai kapathypra talam iy
mymy teng y ym naimy abyh u.
6 “Aw Areng, amtheaung naira pei panawi bi kyh ba.
Kaichi i tlang tleaung y pahen nai paleung hawi khen ba,”
nanai khumi neangneangchi my chiu sa u bo.
7 Na i py kai teng y nang i pei nai amo theu naira ly
choh hawi kreip hang
nang naichi i amo theu nai tleaung y typ keh.
8 Kai ly aseaung nai khala y awmnem naimy i nem bo;
aw Areng, nang naini kai ai chymme naimy awm ai nai pei nai ne.