SAM 2
Tameuh my vawi nai samrang
1 Khumi chengchi ly ati mana nai atiu ai nai tau u lawh mo?Ref 2.1-2: Amt 4.25-26
Khumichi ly kangviu y ati mana nai dawn u atyhtyh lawh mo?
2 Huni khumichi i samrangchi ly tiu u bo.
Hunichi i samrangchi ly Areng hawi
mymy i khai takhra nai samrang ai tiu ai nai kangviu y arum u nai ne.
3 Nichi my, “Achi ly nichi my peang naira i lawi ai nai atho so u sina;
nichi my peang nai ai paka u sina,” nanai thui u.
4 Kani mang y awm nai areng atehra salo y Areng ly panui naimy
nichi i dawn pasym nai ai panui hai nai ne.
5 Naibaly mymy ly kado theu naimy pany hai pi nai deaungkho y
nichi ly kado theu nai haiho molam y jei hyn naimy kaso theu u bo.
6 Mymy ly “Tahm asang parai nai kai i Zion mawinote 2:6\xk Zion mawi: angchei y ly Davida i mary, napi. Huni bo y ly Achura yhm sa nai mawi ne. \x* salo y,
kaimy vawi takhra nai samrang ai kaimy kapalyn bo,” napi.
7 Samrang my, “Areng i amteng hai naichi kaimy thai hai ai;Ref 2.7: Amt 13.33; Heb 1.5, 5.5
mymy ly kai teng y, “Nang ly kai i chapo ne;
vaini my kai ly nang i ampo lawm bo.
8 Hnei, khumi cheng cheaungkhangchi ai nang teng y kang pei ai;
khaileaung pri verei y nangmy peang ai.
9 Nang ly khumi cheng cheaungkhangchi ai tamo cheaungvawi hawi peang ai;Ref 2.9: Amt 2.26-27, 12.5, 19.15
nichi ai alai laawm pakhawi nai kamta kawi hai phro ai, nanai leu ang pei,” napi.
10 Nangchi samrangchi awi, tau tleaung y awm u;
nangchi samrang bawibawichi awi, dawn pany u.
11 Nangchi ly jei kaji nai paleung hawi Areng i kalop so u;
12 Jei hyn naimy mymy i mo y lu meung u;
huna nai so y baly mymy ly kado theu nai deaungkho y
nangchi ly dei u takengkei ai.
Mymy teng y ahihawi naimy abyh nai khumi bawibawichi ly taham hawi u nai ne.