SAM 20
Eaung naira nga ai nai chiu sa nainote Hebrai cha lu: Davida i thui nai Sam.
1 Patang nai neng khala nang i chiu sa nai Areng ly pathang pi sy!
Jakob i Tameuh ly nang ai amo hai sy!
2 Mymy ly nang ai Achura yhm theung i my kasabawmra pei sy;
Zion mawi dengdairei sabawm sy.
3 Mymy ly nang i katalamra ngiereichi ai kawn pi iy,
leng patlum nai kapathypra bawibawichi ai py kawn pi sy.
4 Nang i ngai nai angym hai iy
dawn tau nai ngiereichi py, eaung ai nai sabawm pi sy.
5 Hunaibaly kaichi ly nang i eaung pawi molam y, amo theu parai naimy aeu u ai.
Areng ai palo naimy nang i eaung pawira y abawi u ai.
Tameuh my nang i hnei takeng nai ngierei pei pi sy.
6 Areng ly mymy i khai takhra pi nai samrang ai tavai eaung naira pei,
nanai vai ly kai pany bo.
Mymy ly nang i hnei takeng nai ai kani pri meingtym kachai mang dengdairei thai i,
sa thai naira hawimy nang ai eaung nai pawi puichi ang pei bo.
7 Phyrei khumichi ly mychi i tavai ka-ri hawi
keaungngochi ai a-ym u.
Na i py achi ly achi i Areng Tameuh ai a-ym u nai ne.
8 Huna nai khumichi ly athei iy atlym u ai.
Na i py achi ly ang thau iy khaw parai naimy angdo ai.
9 Aw Areng, samrang ai eaung ai nai pei ba.
Kaichi my palau nai khala y pathang pi kyh ba.