SAM 18
Samrang Davida i eaung pawi khulymnote 17:15Hebrai cha lu:Areng i miseaung Davida ly Sawla hawi my i paleung ka-echi khi i nai Areng my atleu nai khala, Areng ai palo nai khulym ne.\x*
(2 Sam 22:1-51)
1 Aw Areng, kai ly nang ai khri pa-rei tamen!
nangmy py kai ai ama hai nai keung ne.
2 Areng ly kai ai ama hai nai keung,
kai i khaw parai nai khengsi apai ne.
Kai i Tameuh ly kai ai ama hai nai deaungkho y
kai ly chymme bo.
Mymy ly khupui kamta kai ai ama hai.
Kai mang y amtang hai iy kai ai chymme naimy ang khai.
3 Kai ly Areng teng y kahnei nai khala,
mymy ly kai ai paleung ka-echi kiu i nai atleu bo.
4 Deira vuinawnchi ly kai ai ang pi cheng na.
Taphra naira tui sampyhchi ly kai i salo y um na bo.
5 Deira vuinawnchi ly kai ai ang pi cheng na.
Deira angawm my ly kai ai patiu ai nai deaung pateung yb bo.
6 Kai ly patangra avum nai y Areng ai kapalau;
kasabawmra nga ai nai kai i Tameuh ai kapalau nai ne.
Mymy ly Achura yhm theung i dengdairei
kai i palau nai raawi tangai pi bo.
7 Naibaly Tameuh i kado theu nai molam y,
khaileaung amchyh na pa-rei kalei theu hai.
Mawichi ly kheutang mang dengdairei amchyh.
Sabawmra nga ai nai kai i aeu nai raawi, mymy ly thai bo.
8 Mymy i notareang theung i dengdairei maikhyhchi py,
labeaung mang dengdairei kang hai thai nai mai kadeu hawi mai-aichi py theu nai ne.
9 Mymy ly kani katheu paeaung iy satla kathiu bo.
Kheu padawi anui y panum biu nai khupanymchi awm.
10 Mymy ly kheruben tleaung y atang naimy,
ali kamrawi y satla kathiu bo.
11 Mymy ly mymy ai kaveng hawimy khiu bo.
Mymy i sahawi y tui my kawi mang i, thokha nanai tamaichi awm.
12 Mymy i mo y kani amai hawi mai kadeuchi ly
amlosadi dengdairei theu i,
panum biu nai khupanymchi ai ta-i vui iy tla bo.
13 Areng ly kani mang dengdairei kani pajyh hai;
salo kangteng keh nai keung i raawi theu bo.note 18:13\xk salo... raawi theu: Hebrai leu y “amlo sadi hawi ji tla nai katyn theu” nanai sai ne. \x*
14 Mymy ly thailihochi ko naimy,
paleung ka-echi ai ahei hai pawn bo.
Amlosadi theu hai naimy nichi ai angpreng hai bo.
15 Aw Areng, nang ly paleung ka-echi ai
kado katheu hang hai nai raawi hawimy parip nai khala,
suida pangli paichi khaileaung py, khaileaung i sangum langdengchi py,
am-eaung seaungkhrang na bo.
16 Areng ly kani mang dengdairei kiu jaha iy, kai ai amkhaw i,
tui thiu parai nai theung i nai, kai ai atheu kalau bo.
17 Mymy ly kai acham iy pajau y nai, khri pa-rei sa thai naira awm nai
paleung ka-echi kiu i nai py, kai ai niu ngai y nai
khumi bawibawichi kiu i nai py, kai ai atleu bo.
18 Kai patang naira avum nai khala y, nichi ly kai ai tiu u bo.
Na i py Areng ly kai ai ama hai nai ne.
19 Kai, ka-jeira avum nai khala y mymy ly kai ai sabawm.
Kai ai khrei nai deaungkho y atleu nai ne.
20 Kai ly kateng sa nai molam y mymy ly kai ai hawi naira ang pei;
kai ly kamngo by y nai y amtheaungra ang pei nai ne.
21 Kai ly Areng i reita leu tangai bo;
kaimy i Tameuh teng i dengdairei hi vui y leang.
22 Kai ly mymy i reita leu ngiereichi ai tangai bo;
mymy i leu pei naichi akhi vai y leang.
23 Kai ly kamngo by y nai khumi ne, nanai py,
hawi y naira y amkyn nai py, mymy pany nai ne.
24 Kai ly kamngo by y nai khumi, nanai pany nai deaungkho y py,
kai ly leu meitang teaung nai deaungkho y py, mymy ly kai ai hawi naira pei nai ne.
25 Aw Areng, nang ly ka-ym awm nai khumichi tlang tleaung y ka-ym awm;
cheh ai nai by y pa-rei hawi nai khumichi tlang tleaung y, hawi hai reng nai ne.
26 Paleung chai nai khumichi teng y chai nai paleung ka-dawn py,
khumi hawi y naichi teng y ka-jo ngai nai paleung ka-dawn py, amteng hai bo.
27 Mymy ly paleung apanem nai khumichi ai atleu bo.
Na i py paleung len amlyh nai khumichi ai ly tahm anem hai vui nai ne.
28 Aw Areng, nang ly kai ai kangvang pei;
kai i veng naira ai tama hai vui bo.
29 Paleung ka-echi ai tiu ai nai atho py,
nichi i tavaimichi ai tiu pajau ai nai sa thai naira py, kai ai ang pei nai ne.
30 Hini Tameuh i sa nai kalopchi ly angym parai na a!
mymy i leusaichi py ym ai nai hawi parai!
Mymy ly mymy teng y abyh nai
khumi bawibawichi vui khupui kamta ne.
31 Areng naini Tameuh ne;
Tameuh naini achi i abyhra ne.
32 Mymy ly kai ai ham hai nai Tameuh,
kai i tako ai nai lam chymme hai nai Tameuh ne.
33 Mymy ly kai i kheu ai sisiu i kheu kamta khaw hai bo.Ref 18.33: Hab 3.19
Mawichi salo y kai ai chymme pa-rei ang khai.
34 Tavai keung y teaung kawp ai nai molam,
khri pa-rei ham nai thailiho ko nai patiu pi bo.
35 Aw Areng, nang ly kai ai ama hai iy atleu;
nangmy kry palum nai deaungkho y kai ly veangryh veangryh bo.
Nang i sa thai naira molam y chymme naimy awm.
36 Nang ly kai ai patiu ai nai ngo y pa-rei ama hai bo;
kai ly mana khala py sum ai ny y.
37 Kai ly paleung ka-echi ai hui iy patiu bo;
nichi ai tiu nai pajau y nai ryrei ly anawn y ai.
38 Nichi ai kaimy tiu nai khala y, nichi ly ang thau u pajau y bo;
kai i kheu keung y atlym u i, neaung kham u nai ne.
39 Nang ly kai ai tavai thau pajau ai nai atho pei;
paleung ka-echi ai eaung vui ai nai py pei nai ne.
40 Nang ly kai teng i dengdairei, paleung ka-echi ai angpreng hai pawn bo.
Kai py kai ai niu ngai y nai khumichi ai tamyh pawn bo.
41 Nichi ly “Sabawm kyh ba,” nanai aeu u teu i py, nichi ai ami py sabawm pajau y;
nichi ly Areng ai palau u teu i py, mymy ly nichi ai pathang pi y.
42 Ali my hm iy ahei pawn nai spryh kamta lawm hai ai nai
nichi ai kaimy tamyh pawn bo.
Lam salo i aneaung kapanchi kamta, nichi ai kaimy chiu piupa bo.
43 Nang ly kai ai tiu nai khumichi my patang hai naira i nai atleu iy,
khumi cheng cheaungkhangchi ai py peang hai.
Kai ly kaimy pany vai y nai khumichi ai, vai ly peang ai nai kanga bo.
44 Cheng takhra khumichi ly kai i mo y lu meung u;
nichi ly kai i leu pei nai thai nai khala tangai u bo.
45 Nichi ly sorai paleung by y bo i,
mychi i khengsi apaichi theung i dengdairei, kaso theu naimy ang thau u bo.
46 Areng ly heng nai ne! Kai ai ama hai nai keung ai ly palo u!
Kai ai atleu nai Tameuh ly nang parai nai ne, nanai palo nai aeu u.
47 Mymy ly kai ai paleung ka-echi ai eaung ai nai pei;
khumi cheng cheaungkhangchi ai, kai i kiu anui y tym hai iy,
48 paleung ka-echi kiu i nai kai ai atleu bo.
Aw Areng, nang ly kai ai paleung ka-echi ai eaung ai nai pei bo.
Khrukhra hai nai khumichi i patang hai naira i nai, kai ai ama hai bo.
49 Hunai deaungkho y kai ly khumi cheaungkhangchi i mo yRef 18:49: Rom 15:9
50 Tameuh ly mymy i khai pi nai samrang ai eaung hai;
mymy i khai takhra pi nai Davida i dengdairei,
ni i kangpreangchi teng y khaw parai nai tamen naira deungtasarei patei pi bo.