SAM 16
Ym naimy chiu sa nainote Hebrai cha lu: Davida i thui nai Sam.
1 Aw Tameuh, kai ly nang teng y abyh bo; hunai deaungkho y kai ai ama hai iy kry ba.
2 Kai ly Areng teng y, “Nang ly kai i Areng ne;
kai i nga nai hawi naira ngierei ly nangmy pei naichi ne,” napi.
3 Areng ai ka-ym awm nai khumi ly khri pa-rei hawi parai na lawh ly!
Kai i ngai keh nai ly huni khumichi hawi vanrei awm ai nga nai ne.
4 Tameuh takhrachi teng y ahihawi iy
chiu nai khumichi ly khri pa-rei patang u ai.
Kai ly nichi i apathyp naichira y abawi ai ny y;
nichi i tameuhchi ai py chiu ai ny y.
5 Aw Areng, kai i abyhra ly nang leaungrei awm khyh;
kai i ngai nai ngiereichi ai py nangmy pei bo.
Kai i momang i vui ly nang i kiu tleaung y awm.
6 Kai i tlang tleaung y nangmy pei nai amtheaungrachi ly lyh ai hawi parai;
hunichi ly khri pa-rei hawi parai na!
7 Areng ly kai ai lam patei nai deaungkho y, kai ly mymy ai kapalo bo.
Kai i kangji ngailai nai paleung ly vum y kai ai ang pany hai pi nai ne.
8 Areng ly kai hawi vanrei awm, nanai kai avawrei pany;Ref 16.8-11: Amt 2.25-28
mymy ly kai i sahawi y awm nai deaungkho y, ati my py kai ai atlym hai pajau ai ny y.
9 Hunai deaungkho y kai ly amo theu nai ne;
kai ly chymme naimy awm bo.
10 Ati mana nai mo nabaly nang ly kai ai tavau kho y chei ai nai pei y nai deaungkho y ne.Ref 16.10: Amt 13.35
Kai ly ka-ym awm parai naimy kalop sa pi bo.
Kai ai deira tavau kho y au su ai ny y.
11 Nang ly kai ai heng naira lam patei pi ai;
nang ly kai i sahawi y awm nai deaungkho y,
kai ly amo theu iy deungtasarei paleung tuinem naimy awm bo.