SAM 15
Tameuh i kangai sa nai khuminote Hebrai cha lu: Davida i thui nai Sam.
1 Aw Areng, nang i Achura yhm y ly ami kun pajau ai mo?
Nang i Zion mawi kachai salo y ami chiu sa pajau ai mo?
2 Ati cheaungkhangra y Tameuh i leu tangai iy,
hawi naira sa jojo reng nai khumi,
leu kateng kataw katheu reng nai khumi,
3 ami i tahm awm nai ai taphra vai y nai khumi ne.
Huni khumichi ly mychi i ahawichi tlang tleaung y tamang vai y;
yhm deaungpachi i satang py, hawi y nai satang hei vai y.
4 Nichi ly Tameuh my khai su nai khumichi ai paso i,
Areng i leu tangai nai khumichi ai ly tahm khai iy palo reng;
mana tanrei amy i vui sum naira tym lawh teu i py,
amy i leu adeu nai kamta sa jojo reng.
5 Nichi ly katy lo y naimy, mychi i tangka alai ai nai pei reng;
kamngo by y nai khumichi ai pasum ai nai molam,
un langseaung la iy pany hai pi nai leu thui vai y.
Huna nai khumichi ly chymme naimy awm jo ai.