SAM 14
Khumichi i aso nai sainote Hebrai cha lu: Davida i thui nai Sam.
(Sam 53)
1 Khumi ka-khumchi my, “Tameuh by y,”Ref 14.1-3: Rom 3.10-12
nanai dawn iy athang khai u nai ne.
Nichi bawibawi ly sa nai sai hawi y i,
amso ngai nairachi sa u;
kahawi sa nai khumi leaungrei py by y.
2 Areng ly khumi kachengchi hawi
mymy ai chiu nai khumichi awm mo, by y mo, nanai pany ai nai
kani pri mang dengdairei khumichi ai khen kathiu bo.
3 Na i py khumi bawibawichi ly lam tamang be veng;
nichi bawibawi ly vanrei, tamang u bebe nai ne.
Nichi theung y kahawi sa nai by y,
4 Areng my, “Huni khumichi ly pany pacha y nai khumichi ne a?
Huni khumi hawi y naichi ly pany thai naira by y nai khumichi ne a?
Nichi ly kai i khumichi teng i lawm iy, heng u naichi ne.
Kai teng y py chiu sa hnei takeng nai by y,” napi.
5 Na i py Tameuh ly mymy i leu tangai nai khumichi hawi
vanrei awm nai deaungkho y, nichi ly kaso theu u ai.
6 Khumi hawi y naichi ly paleung apanem nai khumichi
dawn nai sai ai phra hai teu i py, Areng ly nichi i abyhra ne.
7 Israela chengchi ai atleu nai pahenra ly
Zion mawi i dengdairei theu hai sy.
Areng ly Israela chengchi ai
amtheaung hai aliteang nai khala, nichi ly khri pa-rei amo theu u ai!