SAM 142
Sabawmra nga ai nai chiu sa nainote Hebrai cha lu Davida ly tapiu theung y awm nai thym khala thui nai Sam.
1 Kai ly sabawmra nga ai nai Areng ai kapalau bo;
mymy teng y ahui kajeaung kaji nai ne.
2 Kai ly kaimy i ngai nai ngiereichi ai mymy teng y amti pi;
kaimy i kamtang avum nai ngierei ly mymy teng y thui pi bo.
3 Kai ly paleung phra nai khala y
kai i tako ai nai lam mymy pany nai ne.
Kai i tako nai lam y paleung ka-echi ly
kai i vui deaung pateung pi yb bo.
4 Kai i sahawi y khen nai khala y
kai ai sabawm ai nai keung leaungrei ai py kaniu y;
ama hai nai keung leaungrei py by y.
Ami py kai ai dawndan y bo.
5 Aw Areng, sabawmra nga ai nai kai ly nang ai kang palau bo;
aw Areng, nang ly kai ai ama hai nai keung;
vai heng nai deung y nang leaungrei ai naini kai ly kadeaung nai ne.
6 Sabawm naira nga ai nai kai i aeu nai raawi tangai pi kyh ba;
kai ly khri pa-rei paleung phra atho di na bo.
Kai tleaung y khri pa-rei atho awm nai
paleung ka-echi kiu i nai kai ai atleu kyh ba.
7 Kai ai ngari kamtangra i nai lawi hai kyh ba;
nang ly kai ai huna nai kamta hawihai nai deaungkho y,
kai ly nang i khumichi theung y nang ai kang palo ai.