SAM 141
Dym mang y chiu sa nainote Hebrai cha lu Davida i thui nai Sam.
1 Aw Areng, kai ly nang ai kang palau bo; vaimy sabawm praw kyh ba!
nang ai kang palau nai khala y pathang pi kyh ba.
2 Kai i chiu sa nai ly dym mang yRef 141.2: Amt 5.8
kapathypra talam nai kamta kawn pi kyh ba.
3 Aw Areng, kai i labeaung i vui kry ai nai py,
kai i labeaungkeh i vui tamcheaung ai py, khai pi kyh ba.
4 Hawi y naira py, khumi aso y naichi hawi vanrei kamngo sa nairachi py,
sa ai ngai nai paleung kai teng y tym hai moh kyh ba.
Kai ly huni khumichi i cha nei pawichi sa naira y abawi y ai nai amkyn hai jojo kyh ba.
5 Khumi kahawi ly kai ai pahen parai naimy pajeng nai hawi parip nai leu thui ai;
na i py khumi hawi y naichi i tahm pasang nai ly kai ngai y leang;
ati mana nai mo nabaly huni khumichi i kamngo sa nai molam y,
kai ly avawrei chiu sa naimy awm nai deaungkho y ne.
6 Nichi ai peang nai samrangchi ly lengseaung kachawn mang aphi nai avum u nai khala y,
khumichi ly kai i thui nai leuchi teng khyp, nanai pany u ai.
7 Huni samrangchi i hiuchi ly dei lawm na pa-rei khawi piu nai theng kamta,
tapreaung angawm peang y ahei phro ai.
8 Na i py salo kangteng aw Areng, kai ly nang ai ymra ymra nai ne;
kai ly nang teng y abyh ai;
kai ai deira i nai amo hai kyh ba!
9 Kai i vui huni khumichi my pateung pi yb nai deaung ra i py,
hawi y sa nai khumichi i deaung tlaha ra i nai py, amo hai kyh ba.
10 Kai ly deaung ra i nai phrumai by y pa-rei lawira ngo sy;
khumi aso y naichi ly mychi i pateung nai deaung ra y man u sy.