SAM 136
Kawn nai khulym
1 Areng ly hawi nai ne i, mymy i tamen nai lyRef 136.1: 1 Neng 16.34; 2 Neng 5.13, 7.3; Eza 3.11; Sam 100.5, 106.1, 107.1, 118.1; Jer 33.11
deungtasarei khaw jo nai deaungkho y, mymy ai kawn naimy palo u.
2 Tameuhchi bawibawi tleaung y len keh nai keung ai ly kawn naimy palo u;
mymy i tamen nai ly deungtasarei ne.
3 Arengchi bawibawi tleaung y nang parai keh nai keung ai ly kawn naimy palo u;
mymy i tamen nai ly deungtasarei ne.
4 Mymy leaungrei naini rengrang ka-ma-rachi patei pi;
mymy i tamen nai ly deungtasarei ne.
5 Mymy ly cheng naira hawimy kani khusang ai sa;Ref 136.5: AA 1.1
mymy i tamen nai ly deungtasarei ne.
6 Mymy ly suida pangli saleung y khaileaung sa;Ref 136.6: AA 1.2
mymy i tamen nai ly deungtasarei ne.
7 Mymy ly kanito hawi lo ai sa;Ref 136.7-9: AA 1.16
mymy i tamen nai ly deungtasarei ne.
8 Kanito ai sa nai ly kanithun y peang hai ai nai ne;
mymy i tamen nai ly deungtasarei ne.
9 Lo hawi ka-sichi ai sa nai ly vum y peang hai ai nai sa nai ne;
mymy i tamen nai ly deungtasarei ne.
10 Mymy ly Aikupta chengchi i chapo chaluchi ai dei hai bo;Ref 136.10: Theu 12.29
mymy i tamen nai ly deungtasarei ne.
11 Mymy ly Israela chengchi ai Aikupta pri i dengdairei pahawi bo;Ref 136.11: Theu 12.51
mymy i tamen nai ly deungtasarei ne.
12 Huna nai kamta pahawi nai ly atho awm parai nai kiu hawi py,
sa thai naira awm nai kiuban hawi py ne;
mymy i tamen nai ly deungtasarei ne.
13 Mymy ly pangli kamsen ai phy nyhrei khawi hai bo;Ref 136.13-15: Theu 14.21-29
mymy i tamen nai ly deungtasarei ne.
14 Mymy ly mymy i khumichi ai, huni pangli tako prei ai nai pahawi bo;
mymy i tamen nai ly deungtasarei ne.
15 Mymy ly samrang Pharao hawi ni i tavaimichi ai tui y anum hai be bo;
mymy i tamen nai ly deungtasarei ne.
16 Mymy i khumichi ai daichi ka-vym tako prei ai nai pahawi bo;
mymy i tamen nai ly deungtasarei ne.
17 Mymy ly phum-ang len nai samrangchi ai padei vui bo;
mymy i tamen nai ly deungtasarei ne.
18 Mymy ly amyn amthang nai samrangchi ai padei vui bo;
mymy i tamen nai ly deungtasarei ne.
19 Amori pri i samrang Sihon ai padei vui bo;Ref 136.19: Kati 21.21-30
mymy i tamen nai ly deungtasarei ne.
20 Bashan pri i samrang Oka ai py padei vui bo;Ref 136.20: Kati 21.31-35
mymy i tamen nai ly deungtasarei ne.
21 Mymy ly nichi i pri ka-peangchi ai, mymy i khumichi teng y pei pi bo;
mymy i tamen nai ly deungtasarei ne.
22 Mymy ly huni pri ka-peangchi ai, mymy i miseaung Israela teng y pei pi bo;
mymy i tamen nai ly deungtasarei ne.
23 Mymy ly achi sum nai khala y achi ai tami vui y leang;
mymy i tamen nai ly deungtasarei ne.
24 Mymy ly achi ai paleung ka-echi teng i nai lawi hai bo;
mymy i tamen nai ly deungtasarei ne.
25 Mymy ly heng nai amjy cheaungkhangchi ai, teicha teineichi pei pi bo;
mymy i tamen nai ly deungtasarei ne.
26 Kani pri mang y awm nai Tameuh ai ly kawn naimy palo u;
mymy i tamen nai ly deungtasarei ne.