SAM 137
Israela chengchi ai pri pala nai thym khala nichi i vo tangam nai
1 Zion mary ai adawn nai thym khala y,
kaichi ly Babulon pri i tavo micheaungchi peang y ateh naimy kavo u bo.
2 Huni sahawi y awm nai paijeaung keungchira y
kaichi i tarochi bang nai ne.
3 Kaichi ai patiu nai khumichi my,
“Kaichi amo theu ai nai Zion mary satang ai
khulym mang y thui pi,” ang napi u bo.
4 Areng ai palo nai khulym ai kaichi ly
pri takhrara y mana kathui u pajau ai mo?
5 Aw Jerusalem mary, nang ai tami vui lawh ai nabaly,
kai ly taro ai vai mo mang y, mana khala py beu thai y naimy awm sy!
6 Kai ly nang ai tami vui lawh baly, kai ly nang ai
khri pa-rei amo theu hai nai mary palawn ai nai paleung ano y lawh baly,
khulym thui pajau y naimy awm sy!
7 Aw Areng, Jerusalem mary ai peang vui nai neng khala y,
Edom khumichi i sa nai sai pany pi jo kyh ba.
“Hini mary ai khaileaung hawi angeng pa-rei panawi vui,” nanai
huni khumichi i thui nai leu ai pany pi jo kyh ba.
8 Aw Babulon mary, nang ly taphra naira avum ai.Ref 137.8: Amt 18.6
Kaichi ai nangmy sa nai kamta
nang ai vawitheung tha nai khumi,
9 nang i deaungdi chymplei naichi ai syn iy, lengseaung salo y
nip piupa naimy padei nai khumi ly taham hawi.