SAM 129
Israela chengchi i paleung ka-echi sum ai nai chiu sa nai
1 Israela awi, nang deaungdi chy khala i dengdairei, paleung ka-echi my
nang ai mana tanrei ana u mo, nanai kai ai thui pi.
2 “Kai ai deaungdi chy khala i dengdairei
paleung ka-echi ly khri pa-rei ana u bo;
na i py nichi ly kai i tlang tleaung y eaung naira ngo u y leang.
3 Nichi ly kai i anangkengleng y tamo kalem nga hai nai deaungkho y,
thawn nai lawichi awm nai li kamta lawn hai u bo.
4 Na i py leu meitang nai keung Areng ly
kai ai miseaung i nai lawi hai bo,”
5 Zion mary ai niu ngai y nai khumi bawibawichi ly
sum naira hawimy anaw u pawn sy.
6 Nichi ly yhm amphu salo y prau iy, keung cheang y rai khala,
jeirawm veng nai acha keungchi kamta lawn u sy;
7 huni acha keungchi ai ly
ami py pakym achu ai ny y.
8 “Areng ly nangchi ai amtheaung hai sy!
Kaichi ly Areng i amyn y nangchi ai amtheaung naira kang pei bo,”
nanai sahawi mang tako nai khumichi my nichi ai thui u ai ny y.